A̱gba̱ndang kukwon a̱wak

A̱gba̱ndang kukwon a̱wak yet a̱gba̱ndang kyangcung a̱sa̱khwot wa a̱ cyiet ma̱ a̱ca̱cet nkyai a̱sa̱khwot ma̱ng nvak a̱sa̱khwot nang nkyangcung ni̱ nkai a̱ni, na̱ kwok nkpa̱t ma̱ng á̱nietbishyi, ku á̱ beang nta̱m nghyang, nang tyak a̱pyia̱, zop zi̱zop ma̱ng bwoi fa̱n. A̱ca̱cet kukwon a̱wak vwuon da̱ a̱ka̱nyiung ma̱ng nkwomi, ca̱caat ma̱ng shi, vam, cet ba̱ng kyang ma̱ng jat. A̱ca̱cet kukwon a̱wak ku byet tyai a̱ka̱vwuo nang á̱ ku nwai lyen a̱ni kpa̱sai, kaswuo, kwan zwang, shyei swat, ta̱wap bibyin ghyang, ma̱ng sayen. A̱lyiak a̱bwuanng swanta ka yet di̱n vak cyiet a̱ca̱cet kukwon a̱wak hwa.

a̱gba̱ndang kukwon a̱wak

watercraft type

Tafa	watercraft, vessel, transport vehicle
Byia̱ ta̱m	transport
Byia̱ za̱kwa	ship type
Zwunzwuo Unicode	🚢
Category for the view of the item	Category:Ships by view

Ca̱caat ma̱ng jen ji ma̱ng ta̱fwat ji, swang a̱lyiat a̱gba̱ndang kukwon a̱wak ji ku fa, ku a̱gba̱ndang kyangkwok nkyang mami a̱sa̱khwot ku cong a̱ kai nvam a̱sa̱khwot ma̱ng tsutsuung tsat ku si̱ ji̱ swak a̱nia a̱ yet kyang ku byia̱ a̱ma̱ntaa̱naai a̱ni.

Mi̱ da̱ a̱lyia̱ 2016, á̱ ku mbyia̱ si̱ ku swak a̱ca̱cet kukwon a̱wak a̱bwuanng 49,000, ma̱ng a̱kuu kpa̱p-kwom ton ku bai kpa̱mkpaan ma̱ng bilyon 1.8. A̱mami nani ntangka hya̱u 28% nia ku shyia̱, 43% ku yet si̱ kwok á̱pwat nkyang nia, a̱wot 13% ku yet a̱ca̱cet kukwon a̱wak kwok nkyangkwok nkyang nia.

Nkhang nkwomi ku tsa ma̱ a̱byin Ma̱sa̱t kya mi̱ milinyom 4 hu A̱K.