A̱ka̱fan Ka̱ri̱pat

A̱ka̱fan Ka̱ri̱pat na yet sot a̱ka̱fan ja ji̱ ga̱t a̱ byia̱k kai A̱ka̱wa̱tyia̱ Yurop. Na̱ byia̱ shi a̱swap kpa̱mkpaan ma̱ng 1,500 km (930 mi), nia yet ce a̱ka̱fan tat ku swak ma̱ng shi a̱ni mami Yurop lilyim Urat wu ma̱ 2,500 km (1,600 mi) mbeang A̱ka̱fan Si̱kandi̱naviya na ma̱ 1,700 km (1,100 mi). Ce a̱ka̱fan huni neap kyiak neet mi̱ fam gbang a̱tyin Cekya hu (%3) ma̱ng A̱ti̱riya (%1) di̱ fam a̱za-jenshyung hu ba̱ng si̱ nat Si̱lovakya (%21), Polan (%10), Yuki̱ren (%10), Romaniya (%50) nat Sa̱ri̱bya (%5) di̱ fam a̱tak hu. Ce Ka̱ri̱pat hu ku swak ma̱ng shi a̱za a̱ni, huhwa yet a̱ka̱fan na nang á̱ ngyei A̱ka̱fan Tati̱ra mami Polan ma̱ng Si̱lovakya, a̱ji wa nang a̱ka̱ta̱n na̱ laai swak ma̱ng shi a̱ni swak 2,600 m (8,500 ft). Ce feang hu ku swak ma̱ng shi a̱za hu, huhwa yet Ka̱ri̱pat A̱tak ji mami Romaniya, a̱ji wa a̱ka̱ta̱n na̱ laai swak ma̱ng shi a̱za hu shyia̱ tsi̱tsak 2,500 m (8,200 ft) ma̱ng 2,550 m (8,370 ft).

A̱ka̱fan Ka̱ri̱pat

mountain system, non-geologically related mountain range

Yet kap	Alpide belt
A̱lyoot da̱nian	Carpi
Coordinate location	47°0′0″N 25°30′0″E
Highest point	Gerlachovský štít
Shape	arc

Di̱ ta̱si̱la 1886 jini, á̱ tyai a̱yaapi̱rovin Rom nang á̱ ngyei fam Ka̱ri̱pat A̱tyin Bastarnicae A̱li̱pi hu a̱ni.