A̱kan

A̱kan yet kyangswuo hwa ku byia̱ ethanol, tangka̱i alcohol ku byia̱ za̱kwa kan a̱ni nang á̱ nyia̱ ma̱ng a̱shung, súm a̱kwon, ku nvak nshyia̱ nya̱nyiat njhyang. Á̱ ngyei swuo a̱ki̱kan di̱n jen ma̱ a̱di̱di̱t "swuo", a̱wot ku si̱ yet a̱tsatsak kap taada ma̱ a̱di̱di̱t mi̱ swanta. A̱di̱di̱t bibyin ku kpa cam tazwa weang, lyiai, ma̱ng swuo a̱ki̱kan. Ncam nani bye tak ma̱ng á̱niet ba̱ nyia̱ a̱ki̱kan ba ba̱ lyuut shi ali̱kohot hu (nang ABV ku proof) a̱wot ba̱ bu nyia̱ ta̱m ma̱ng lebet gba. Bibyin ghyang nvwuong swuo kan da̱ a̱ka̱nyiung, ma̱nang á̱ wot nyian, lyiai ma̱ng swuo a̱ki̱kan di̱ nfam swanta ma̱ a̱di̱di̱t nghyang. Kurum ku nwuai di̱ sot-nta̱m a̱ki̱kan ji mi̱ swanta hu lan ti̱rilyon $1 ma̱ a̱lyia̱ 2018.

a̱kan

Tafa	drink
Has active ingredient	ethanol
Produced by	alcohol industry
Byia̱ za̱kwa	gba̱za̱zai
Stack Exchange site URL	https://alcohol.stackexchange.com
NCI Thesaurus ID	C45902
Yet a̱fi̱p	non-alcoholic beverage
Byia̱ lyulyoot	list of alcoholic beverages

Ndyia̱ na̱ myim a̱yin gu tat a̱ kin ta̱bat swuo a̱kan a̱ni kyiak neet a̱byin nat a̱byin