Ayiri̱lan

Ayiri̱lan (Ayiri̱t: Éire [ˈeːɾʲə] fa̱k; Ulster-Scots: Airlann [ˈɑːrlən]) yet a̱byin a̱ka̱wa̱tyia̱ a̱sa̱khwot kya di̱ fam A̱za A̱gba̱ndang Kyai A̱sa̱khwot Ati̱lantik hu, di̱ fam a̱za-jenshyung Yurop. Nvam a̱sa̱khwot A̱na̱nwuai A̱sa̱khwot A̱za, Kyai A̱sa̱khwot Ayiri̱t ma̱ng A̱na̱nwuai A̱sa̱khwot Sen George ninia ghai nka ma̱ng A̱gba̱ndang Bi̱ri̱ti̱n. Ayiri̱lan wa yet a̱byin a̱ka̱wa̱tyia̱ a̱sa̱khwot a̱feang a̱ swak ma̱ng shi mami A̱babibyin A̱ka̱wa̱tyia̱ A̱sa̱khwot Bi̱ri̱ti̱n hu, a̱tat ka mami Yurop, ma̱ng a̱si̱ nswak-nfeang mi̱ swanta hu. Mi̱ da̱ a̱lyiat kwai-nfwuo-á̱niet a̱byin, á̱ ka̱u a̱byin a̱ka̱wa̱tyia̱ a̱sa̱khwot a̱feang ma̱nang kap nyiung si̱ yet Ri̱pobi̱lik Ayiri̱lan (a̱lyoot a̱gwomna̱ti kikya yet Ayiri̱lan), a̱byin ka̱ yon ma̱sa̱t a̱ni ka̱ khwi á̱kpa a̱fwuon mami a̱yaakpa a̱taa a̱byin a̱ka̱wa̱tyia̱ a̱sa̱khwot ka, a̱wot kap feang hu si̱ yet A̱za Ayiri̱lan, a̱byin ka̱ yet kap Muna̱pyia̱ A̱byintyok hu. Mi̱ da̱ a̱lyia̱ 2022, shi á̱niet a̱mgba̱m a̱byin a̱ka̱wa̱tyia̱ a̱sa̱khwot hu ku swak milyon 7 ma̱ a̱da̱dei wa, ma̱ng milyon 5.1 ba̱ swan Ri̱pobi̱lik Ayiri̱lan a̱wot milyon 1.9 si̱ swan A̱za Ayiri̱lan, a̱wotsi̱ a̱hwa si̱ tyia̱ ka̱ yet a̱byin a̱ka̱wa̱yia̱ a̱sa̱khwot mi̱ Yurop a̱feang ka̱ swak ma̱ng shi á̱niet a̱ni lilyim A̱gba̱ndang Bi̱ri̱ti̱n.

Ayiri̱lan

island, cultural region

Yet kap	British Isles, Celtic nations
Vam-a̱byin	Yurop
A̱byin	Ayiri̱lan, Muna̱pyia̱ A̱byintyok
Shyia̱ di̱ fam jen	UTC±00:00
Shyia̱ mami ku kpa̱mkpaan vam a̱sa̱khwot	A̱gba̱ndang Kyai A̱sa̱khwot Ati̱lantik, Irish Sea, St George's Channel, North Channel
Located in/on physical feature	British Isles
Coordinate location	53°21′4″N 7°55′16″W
Coordinates of easternmost point	52°57′57″N 5°59′53″W
Coordinates of westernmost point	52°6′36″N 10°28′47″W
Highest point	Carrauntoohil
Yet kap nsot	Visa Waiver Program
A̱feap nduk	a̱zamyian
Geography of topic	geography of Ireland
Nkhang	History of Ireland
Tung zwa a̱pyia̱ a̱lyiat hu	economy of Ireland
Sa mat tá̱si̱la	Category:Maps of Ireland