Francia Márquez
Francia Elena Márquez Mina (byin a̱tuk mam 1 Zwat Swak ma̱ng Sweang 1981)[1] yet a̱tyucat a̱ka̱wat á̱nietbishyi, a̱tyu a̱guguut cok bibeam, ma̱ng a̱tyufak-a̱lyiat Kolombya wa, a̱nyan wa yet Byiek A̱kwak A̱son A̱byin Kolombya 13 mi̱ di̱ yong huni a̱ni. Á̱ ku byin nggu mi̱ Yolombó, a̱bakeang a̱ghyang di̱ fam-munisi̱pat Suarez mi̱ Di̱patmen Cauca.[1] A̱ ku tsa yet a̱tyu a̱guguut ma̱nang gu ku yet ndyia̱ 13, di̱n jen ji nang nok dam hu ku cat kam sot-á̱niet mba ji a̱ni.[2] Ma̱nang gu sii du nyeak cuk ji a̱ni, a̱ si̱ kin gyet a̱dyundyung a̱tyu Kolombya ntsa a̱ na mak yet byiek a̱kwak a̱son a̱byin mi̱ nkhang a̱byin ka. Nggu wa yet a̱byii̱k a̱feang a̱ na mba̱ng cuk a̱ja, lyilyim Marta Lucía Ramírez.[3] Mi̱ Zwat A̱ni̱nai 2020, Márquez si̱ shei a̱di̱dam cat cuk nggu wu mi̱ khai a̱kwak a̱son a̱byin Kolombya a̱lyia̱ 2022 hu a̱wot a̱ si̱ cat á̱ ti̱n nggu mat tung-mbwak A̱ka̱be Nkhang mat Kolombya wu wa. A̱zanson, a̱tyucatcuk tung-mbwak wu, Gustavo Petro, si̱ bai ti̱n nggu gu yet a̱kpa̱ndang cung nggu wu. Ma̱ a̱lyia̱ 2023 á̱ si̱ ti̱n nggu gu yet Minisi̱ta Nyia̱ Ca̱caat ma̱ng A̱ca̱caat A̱wat Kolombya.
| Sot mbyin | a̱nap  |
|---|---|
| A̱byin mbyin | Colombia |
| A̱lyoot da̱ a̱lyem mbyin | Francia Elena Márquez Mina |
| A̱lyoot nang á̱ ku tyia̱ nggu | Francia, Elena |
| A̱lyoot kyangbwak | Márquez |
| Second family name in Spanish name | Mina |
| A̱tuk mbyin | 1 Zwat Swak ma̱ng Sweang 1981 |
| A̱keang mbyin | Suárez |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Spanish |
| Ta̱m | civil rights advocate, a̱tyukwai-nfwuo-á̱niet, a̱gwak lyen-a̱beam, a̱tyufak-a̱lyiat, vice president |
| Cuk ji a̱ ku ba̱ng a̱ni | Vice President of Colombia, Minister of Equality and Equity |
| A̱ ku nat fang hu ma̱ | University of Santiago de Cali, National Pedagogic University |
| Memba sot kwai-nfwuo-á̱niet | Historic Pact |
| Nwap | Afro-Colombians |
| A̱guguut | environmentalism, feminism |
| Yet kap nsot | Presidency of Gustavo Petro |
| Za̱nang nang gu ku san a̱ni | Goldman Environmental Prize, Premio Nacional a la Defensa de los Derechos Humanos en Colombia, BBC 100 Women |
| Official website | https://www.franciamarquezmina.com/ |
| Described at URL | https://www.nytimes.com/2022/06/19/world/americas/francia-marquez-vice-president-colombia.html |
| Political coalition | Historic Pact |
Ma̱ a̱lyia̱ 2018, a̱ nwuak nggu Za̱nang Bibeam Goldman mat ta̱m nggu hu di̱ nvwuong lung a̱byin di̱ cat a̱na-a̱shong di̱ mi̱n shim a̱gwomna̱ti di̱ sot-á̱niet nggu ji nang á̱ ngyei La Toma mbeang mun-á̱niet sot-á̱niet nggu hu. Márquez ku yet a̱kwak a̱son a̱nyiuk 80 ba̱ ku ghwut a̱ta̱lyen ba̱ si̱ ta̱bat shai kilomita 560 (myet 350) ma̱ng a̱ti̱tak naat a̱keangtung a̱byin ka nang á̱ ngyei Bogotá a̱ni, ba̱ si̱ cat á̱ turung a̱mgba̱m á̱nietndung a̱byin ba nang a̱gwomna̱ti nsaai a̱ni bah neet mi̱ sot-á̱niet mba ji.[2][4][5] Ma̱ a̱lyia̱ 2019, sot BBC ji si̱ tyia̱ a̱lyoot Francia Márquez di̱ lyulyoot A̱nyiuk 100 mba hu ma̱ a̱lyia̱ a̱kya.[6]
Ya̱fang
jhyuk- ↑ 1.0 1.1 Proenza, Anne (5 Zwat A̱taa 2018). "D'or et de sang, le combat de Francia Marquez pour les terres des Afro-Colombiens". Le Temps (in French). Archived from the original on 14 Zwat Tswuon 2021. Retrieved 15 Zwat Swak ma̱ng Sweang 2019.
- ↑ 2.0 2.1 "Francia Márquez - Goldman Environmental Foundation". Goldman Environmental Foundation (in American English). Archived from the original on 22 Zwat Swak ma̱ng Jhyiung 2021. Retrieved 2018-05-21.
- ↑ Turkewitz, Julie (2022-06-19). "Francia Márquez — a former housekeeper and activist — is Colombia's first Black vice president". The New York Times (in American English). ISSN 0362-4331. Archived from the original on 4 Zwat A̱taa 2023. Retrieved 2022-06-19.
- ↑ "This Woman Who Saved Her Afro-Colombian Community's Land From Miners Won Prestigious Prize". Remezcla (in American English). 2018-04-24. Archived from the original on 14 Zwat Tswuon 2021. Retrieved 2018-05-21.
- ↑ Moloney, Anastasia (27 Zwat Nyaai 2018). "Death threats won't stop Colombian anti-mining activist". reuters.com (in American English). Archived from the original on 18 Zwat Swak ma̱ng Sweang 2021. Retrieved 2018-05-21.
- ↑ "BBC 100 Women 2019: Who is on the list this year?". BBC News (in British English). 2019-10-16. Archived from the original on 22 Zwat Tsat 2023. Retrieved 2022-03-11.
A̱ka̱fwuop nta
jhyuk