Keke mbwak
Keke mbwak á̱ ka bu ngyei jet lyuut A̱shong (á̱kpa: kekei lyuut jí)ja, yet kyang á̱ jhya nang á̱ luk ma̱ng bwak ku jet a̱bwoi ji nyia tam ma̱ng long a̱gwomnati nang ji lyuut ma̱ kwa lyuut. [1] A̱za̱nzai tak, keke mbwak byia a̱kwokwak á̱vwuo swang nyit, a̱wot mi̱ kuzang swang khyiak swang jhyung ji vwuon ma̱ng swang a̱lyiat lyuut ji byin si̱ ji kwai ma̱ng kwa lyuut hwa yagyit banwuai ka a̱ khyai da̱nian kwa lyuut ku byia tai a̱sa̱khwot hu. Di̱ ngyaan century swak ma̱ng a̱kubunyiung, kyang á̱ yei 'keke mbwak' á̱ ku mi̱n a̱ tam ma̱ng a̱yin dyo tangka̱i jhya a̱hwa. [2] jhya ntsa si̱ kekei mbwak ka̱swuo ku tsa ma̱ng 1874, a̱wot ji bai kpa̱sai ma̱ng a̱yaawofit ma̱ng a̱gba̱dang a̱vwuo mundung swanta wu li̱lyim-1880s. Keke mbwak ji ku ki nkhwat a̱son a̱ yet kyang tam lyuut ku byia̱ shi ma̱ a̱mgba̱m kuzang nvak lyuut swak lyuut ma̱ng bwak. Ku si̱ ki ngyet kyang tam lyuut mbwak a̱yaadi̱di̱ng á̱niet lyen kyang, ma̱ yaawofit, Á̱niet a̱bwuang ma̱ng a̱ka̱nwuo, mbeang mman fang ba̱ lyuut naat a̱zanson a̱ni.
| Tafa | machine  |
|---|---|
| A̱tyuya̱taat ku a̱tyubwoi | Christopher Latham Sholes, Frank Haven Hall, Carlos Glidden, Samuel W. Soule |
| Byia̱ za̱kwa | keyboard layout |
| 2022 Harmonized System Code | 8469 |