Kpa̱m A̱lyiat A̱gwaza
Kpa̱m A̱lyiat A̱gwaza hu ku Baibut (neet a̱lyem Helen Koine τὰ βιβλία, tà biblía, 'nkwambwat na') yet kpa̱m lyuut a̱dini hwa ku yet a̱za̱za̱rak mi̱ Khwikristi, Khwiyahuda, Khwisamariya, Khwikpaa̱pyia̱, Khwirastafari, ma̱ng nkhwi nghyang ma̱ a̱di̱di̱t. Ku byia̱ ghwughwu kwambwat nkhang hwa, nang á̱ mun lyuut ma̱ a̱di̱di̱t ku vwuon ma̱ng nghyang da̱ a̱vwuo a̱nyiung a̱ni, a̱wot a̱mgba̱m lyuut hu si̱ byia̱ a̱meang ma̱ng nghyang di̱n vak nwuak a̱cucuk di̱ tyai á̱zanson A̱gwaza hu. Mami lyuut huni á̱ mbyia̱ si̱ hu ku kpaat a̱ghyi tazwa nkhang gbangbang nang á̱ wa̱i ma̱ng a̱di̱dam tswa A̱gwaza a̱ni, bubwom dyep A̱gwaza, nnaai, kídee, wusika tyiet, gba, á̱kum ndyuut, a̱bwom a̱nwuat, ma̱ng shei mi̱ shei a̱kwonu A̱gwaza á̱zanson. Mba ba̱ nwuak a̱cucuk da̱ a̱ka̱nyiung mi̱ nkyiak Kpa̱m A̱lyiat A̱gwaza hu ku yet sum a̱di̱dam Ma A̱gwaza tswazwa hwa meang.
| Subclass of | ta̱m lyuut, revelation, kwaa̱mbwat khwi  |
|---|---|
| Name | ꠀꠡꠝꠣꠘꠤ ꠇꠤꠔꠣꠛꠣꠁꠘ |
| Khwi ku nwuan-ta̱cya̱ | Khwikristi |
| Á̱ fang ma̱ | biblical studies |
| Form of creative work | anthology |
| Genre | religious literature, kwaa̱mbwat khwi |
| A̱lyem ta̱m ku a̱lyoot | Biblical Hebrew, Aramaic languages, Koine Greek |
| Narrative location | Middle East |
| List of characters | list of biblical characters |
| Dewey Decimal Classification (works and editions) | 220 |
| Byia̱ za̱kwa | biblical inspiration |
| References work, tradition or theory | purity of the heart |