Kuba

A̱byin Kuba (Si̱pen: Cuba /ˈkuβa/), á̱ lyen di̱ yorong ofisha hu nang Ri̱pobi̱lik Kuba wu (Si̱pen: República de Cuba /reˈpuβlika ðe ˈkuβa/, Shong: Republic of Cuba), yet a̱byin kya ka̱ byia̱ a̱byin a̱ka̱wa̱tyia̱ a̱sa̱khwot Kuba ka, a mbeang Isla de la Juventud ma̱ng a̱cyuang susot bibyin a̱ka̱wa̱tyia̱ a̱sa̱khwot ma̱ a̱di̱di̱t ghyang. A̱byin Kuba shyia̱ di̱ tyan ji nang fam a̱za Kyai A̱sa̱khwot Karibi, A̱ngam A̱sa̱khwot Mikziko, ma̱ng A̱gba̱ndang Kyai A̱sa̱khwot Ati̱lantik myim a̱ni. Ka̱ shyia̱ di̱ fam a̱tyin Li̱m-a̱byin Yucatán (Mikziko), fam a̱tak a̱mgba̱m a̱si̱tet A̱.M. nang á̱ ngyei Florida a̱ni ma̱ng Bahamat hu, fam jenshyung a̱byin Hisi̱paniyola, a mbeang fam a̱za a̱byin Ja̱ma̱ika ma̱ng Bibyin A̱ka̱wa̱tyia̱ A̱sa̱khwot Keiman hu. A̱keang Havana kya yet a̱gba̱ndang a̱keang nka wu a̱ swak ma̱ng shi a̱ni a̱ si̱ ka ngyet a̱keangtung nka ka; a̱ca̱cet a̱ka̱keang á̱ghyang nka ni̱nia: Santiago de Cuba ma̱ng Camagüey. Shi kyai a̱byin Ri̱pobi̱lik Kuba wu nang a̱gwomna̱ti ba ku nwuak a̱ni huhwa yet kilomita a̱ma̱ntanaai 109,884 (met a̱ma̱ntanaai 42,426) (kang ma̱ng si̱ a̱sa̱khwot a̱beam nka na). A̱tsak A̱byin A̱ka̱wa̱tyia̱ A̱sa̱khwot Kuba wu wa yet a̱byin a̱ka̱wa̱tyia̱ a̱sa̱khwot ka̱ swak ma̱ng shi mami a̱byin Kuba ka ma̱ng fam a̱byin Karibi hu, ma̱ng shi kyai a̱byin kilomita a̱ma̱ntanaai 104,556 (met a̱ma̱ntanaai 40,369). A̱byin Kuba kya yet a̱feang ma̱ng shi á̱niet di̱ fam a̱byin Karibi hu lilyim a̱byin Haiti, ma̱ng si̱ ku swak á̱niet miliyon 11.

Ri̱pobi̱lik Kuba República de Cuba (Si̱pen)

Ta̱si̱la a̱byin Kuba

Tuta a̱byin Kuba

A̱lama a̱byin Kuba