Kuntyin (nok)

Di̱ fam tat-a̵̱pyia̱ bwokntswam, kuntyin hwa yet susuut kap nok hwa ku ni̱ fwuop a̱byin ka ku di̱ jen jhyang, a̱sa̱khwot (ma̱nang ma̱ a̱ka̱nok na̱ wak ma̱ a̱sa̱khwot a̱ni), mat a̱nia nkpa̱p nok na ni̱ shyei a̱ nat ma̱ a̱byin ka. Da̱ a̱ka̱nyiung, kuntyin bye li gyan ku ku byia̱ tsuung. Bwokntswam kuntyin yet ka̱nang á̱ tyia̱ mumwang yet mbyin hu ma̱ng si̱ a̱fan (bwokntswam jiyoteknik) mi̱ ghwang nkap kuntyin nok.

kuntyin

Tafa	structural element, fixed construction

Kuntyin a̱li ku li maio gyan a̱ni mi̱ di̱ nyia̱ fi̱p ma̱ng si̱ ku byia̱ tsuung a̱ni si̱ a̱junjung nok.

Kuntyin yet susuut a̱tyin kya, zi̱ fwom nkyang nfeang neet a̱byin da̱ a̱tyin a̱ni, (kidee: nang a̱sa̱khwot na tyong neet a̱za si̱ bai A̱tak Njei a̱ni), zi̱ pyia̱t kpa̱t, neet tazwa a̱ni. Kuntyin yet a̱tyin kyang kya a̱ni kidee: [1] nang a̱tyin a̱na kpa̱t di̱ nok a̱li a̱ni, [2] kuntyin yet kurum á̱ mkpa̱t ka̱swuo a̱ni. [3] kuntyin yet a̱tyin kyang nang a̱tyubishyi na mkpat a̱ cyiet swanta a̱ni.

Jat

Kuntyin ni̱ nwuak nok hu cet ba̱ng a̱byin ku yong mi̱cet di̱ tyan jhyiung a̱ni:

• Ku seang kpa̱p nok hu da̱ a̱gba̱ndang a̱vwuo mat á̱ tyong tyei mbyin na na̱ shyia̱ tafa a̱kpi̱di̱dyik kpa̱p a̱ la̱u a̱ni (ka̱ doot ku bai khwat tangka̱i swat ku tyia̱ a̱ni bah).
• Á̱ ba̱ng nok hu ku yong mi̱cet mi̱ di̱ nyia̱ fi̱p ma̱ng ncet mi̱ swanta na nang tyi̱ri̱m-a̱byin, a̱yaari̱giwa, khak va nza, a̱yaagut taan, a̱yaatonedo ma̱ng wun).
• Á̱ jhyi a̱tatai a̱gbaat wu nang á̱ na mmyian nok hu tazwa a̱ni.
• Á̱ ba̱ng nok hu mami-mami a̱byin ka, á̱ mban nhu cet á̱ bu nvwuong loo a̱kpi̱di̱dyik kpa̱t tazwa nhu.
• Á̱ nvwuong a̱guguut a̱za naat a̱byin a̱si̱ nkap na̱ byet a̱ni (mi̱ di̱n jen jhyang).

A̱ka̱fwuop nta

• Common examples of possible deformations of foundations arising from improper construction. Archived 2022-12-25 at the Wayback Machine