Obafemi Martins
Obafemi Akinwunmi Martins (byin a̱tuk mam 28 Zwat Swak 1984) yet a̱gwak a̱tyutsot a̱la̱utak Naijeriya a̱ tsot di̱ fam Chinese Super League hu nang á̱ ngyei Wuhan Zall a̱ni nang a̱zanson. Á̱ si̱ ma ndyen nggu mat hyaai cung nggu hu tazwa a̱la̱u wu. Lilyim jen nang gu wot Naijeriya a̱ si̱ nat Italiya nang gu byia̱ a̱lyia̱ 16 a̱ni, neet di̱ jen a̱ja ja gu ta̱bat tsot ma̱ a̱yaaki̱lop ba̱ shyia̱ tswazwa-tswazwa ma̱ a̱byin Yurop. A̱ ku ntsa a̱kariya á̱nietkhwop nggu wu ma̱ a̱lyia̱ 2002 kya ma̱ng ki̱lop Serie A hu, Inter Milan, a̱ si̱ shyei nat ki̱lop Premier League hu Newcastle United a̱zaghyi ma̱ a̱lyia̱ 2006, a̱wot a̱ si̱ bu nat ki̱lop Bundesliga hu, VfL Wolfsburg, ma̱ a̱lyia̱ 2009. Ma̱nang gu nnwuo di̱ fam Russian Premier League hu, Rubin Kazan, mi̱ Zwat A̱natat 2010 a̱ni, huhwa ba̱ si̱ khwap gu nwuak Birmingham City mi̱ Zwat Jhyiung 2011.
