Sidi
Sidi (Shong: Cedi; a̱lama kurum: GH₵; zwunzwuo-a̱muup kurum: GHS) hu hwa yet swang kurum a̱byin Gana. Huhwa yet kurum naai nang á̱ ku mak nyia̱ ta̱m ma̱ng a̱nhu di̱ nkhang Ri̱pobi̱lik Gana ma̱ng kurum hu ma̱nyin nang á̱ nyian ta̱m ma̱ng a̱nhu. Á̱ ka̱u Sidi nyiung di̱ tswá Pesewa (Gp) cyi jhyiung.
| Tafa | A̱lisaaikurum Gana  |
|---|---|
| Kpaat | 19 Zwat A̱natat 1965 |
| A̱lyoot da̱nian | cowrie currency |
| A̱byin | Gana |
| Shyia̱ di̱ fam tyok a̱byin | Gana |
| Applies to jurisdiction | Gana |
| Currency symbol description | cedi sign |
| Central bank/issuer | A̱lisaaikurum Gana |
| Ci̱t | Ghanaian pound |
| Jen ntsa | 19 Zwat A̱natat 1965 |
| Unit symbol | ₵ |
Lilyim shyia̱ sa̱t hu, a̱byin Gana si̱ ghai a̱pyia̱ nka ma̱ng a̱kpam Afi̱rika Jenshyung Bi̱ri̱ti̱n wu, a̱ ku yet kurum bibyin tyok-ya̱wap Bi̱ri̱ti̱n hu di̱ fam hu. A̱son kurum shyia̱ sa̱t Ri̱pobi̱lik a̱fai wu kya ku yet A̱kpam Gana wu (1958–1965). Da̱ a̱lyia̱ 1965, a̱byin Gana si̱ khai ka̱ ghwon si̱tem kurum tyok-ya̱wap Bi̱ri̱ti̱n wu a̱wot ka̱ si̱ san si̱tem desi̱mat wu nang bibyin ma̱ a̱di̱di̱t ku san a̱ni. Á̱ ku nwuo ma̱nf a̱lyoot Afi̱rika ka Sidi (1965–1967) á̱ si̱ shai a̱khwukhwop si̱tem a̱kpam Bi̱ri̱ti̱n wu. A̱son A̱kwak A̱son A̱byin ka Kwame Nkrumah ku nwuo ma̱ng ngwat kurum Sidi na ma̱ng tswá kurum Pesewa mi̱ Zwat A̱natat 1965 á̱ si̱ shai a̱kpam Gana wu, sule ma̱ng kobo. Sidi hu ku byia̱ da̱ nhu ghwughwu A̱kwak A̱son A̱byin wu a̱wot ku si̱ shyia̱ ca̱caat na̱ng sule a̱ni̱nai ma̱ng kobo naai (8s 4d), si̱ a̱hwa fa a̱khwukhwop kobo cyi jhyiung, a̱wot pesewa 1 si̱ shyia̱ ca̱caat ma̱ng kobo nyiung.