Wasulu

Wasulu (Fi̱ransa: Wassoulou, á̱ ka ndyuut Wassulu, Wassalou, ma̱ng Ouassalou a̱ni) yet fam taada hwa ma̱ng a̱vwuo nkhang da̱ A̱nian A̱ghyui Wasulu wu mi̱ Jenshyung Afrika. Ku yet mali á̱niet ba̱ nyia̱ kpamkpaan ma̱ng 160,000 kya, a̱wot ku si̱ yet a̱byin-mbyin tangka̱i a̱bwomtsot Wasulu ka.

Fam-a̱byin Wasulu mi̱ fam Jenshyung Afrika

Wasulu hwa keang tyan ji nang a̱gi̱gak bibyin mam-a̱fwun tat huni myim ma̱ng ghyáng: Mali, Khwong A̱ta̱m Nzwuom, ma̱ng Gini. Mameang, nkap nfam a̱tak-jenshyung Mali, a̱za-jenshyung Khwong A̱ta̱m Nzwuom, mbeang a̱tyin Gini mun shyia̱ mami. Wasulu bu byia̱ a̱gi̱gak ma̱ng A̱ghyui Nija di̱ fam a̱za-jenshyung hu, ma̱ng A̱ghyui Sankarani di̱ fam a̱tyin hu.