Adebayo Adedeji

a̱tyukwai-nfwuo-á̱niet Naijeriya (1930-2018)

Adebayo Adedeji (21 Zwat Swak ma̱ng Sweang 1930 – 25 Zwat Nyaai 2018) ku yet a̱gwak lyen tung zwa wa ma̱ng a̱tyubyia̱lyen a̱ yet a̱tyu Naijeriya. A̱ ku yet a̱tyentyang a̱gwaktyiet di̱n jen nang gu ku nshyia̱ ndyia̱ 36 nia ma̱nyin,[1] a̱wot a̱ ku si̱ yet Komishyona Mundundung Naijeriya mat Byi̱k Tung Zwa ma̱ng Nok-a̱byin kyiak neet ma̱ a̱lyia̱ 1971 ba̱ng si̱ tat a̱lyia̱ 1975. Nggu wa yet a̱tyu á̱ ku nwuak ta̱m byi̱k tung zwa ma̱ng nok-a̱byin hu, nang zwang a̱byin Naijeriya ji tyiak a̱ni. Mi̱ Zwat A̱taa 1975, á̱ si̱ ti̱n nggu gu yet Executive Secretary United Nations Economic Commission for Africa wu, a̱ si̱ ba̱ng cuk jini a̱ si̱ tat Zwat A̱natat 1991. Adedeji wa ku lyuut Lagos Plan of Action a̱lyia̱ 1980 hu nang susot Muná̱pyia̱ Bibyin Swanta ma̱ng OAU ji ku san á̱ tyia̱ di̱n ta̱m a̱ni.[2] Ma̱nang gu bwuok a̱bai Naijeriya, a̱ si̱ ba̱ kpaat sot African Centre for Development and Strategic Studies (ACDESS) ji, ji̱ yet sot-nta̱m ji̱ nwai yet a̱si̱ a̱gwomna̱ti nang ta̱m nji hu nkai a̱mgba̱m vam-a̱byin Afrika hu, ji̱ si̱ nwai yet a̱si̱ ji̱ cat kpangti̱n a̱ni meang á̱ ku kpaat mat cat nvak ya-a̱son Afrika. A̱ ku san za̱nang a̱byin ji nang á̱ ngyei Komanda Ri̱pobi̱lik Mundundung (Shong: Commander of the Federal Republic).[1]

Adebayo Adedeji
a̱tyubishyi
Sot mbyina̱sam Jhyuk
A̱byin mbyinNaijeriya Jhyuk
Mali a̱yaatyia̱Naijeriya Jhyuk
A̱lyoot da̱ a̱lyem mbyinAdebayo Adedeji Jhyuk
A̱lyoot nang á̱ ku tyia̱ ngguAdebayo Jhyuk
A̱lyoot kyangbwakAdedeji Jhyuk
A̱tuk mbyin21 Zwat Swak ma̱ng Sweang 1930 Jhyuk
A̱keang mbyinIjebu Ode Jhyuk
A̱tuk kwi25 Zwat Nyaai 2018 Jhyuk
A̱keang kwiLegwot Jhyuk
A̱lyem mbyinA̱ghwangkpang (a̱lyem) Jhyuk
Lilyem a̱ lyen lyiat, lyuut ku tyia̱ bwak ma̱ng a̱nhu a̱niA̱ghwangkpang (a̱lyem), Shong, Nigerian Pidgin Jhyuk
Ta̱mmember of the Senate of Nigeria, university teacher, economist, a̱tyukwai-nfwuo-á̱niet Jhyuk
A̱kwok nta̱mMuná̱pyia̱ Bibyin Swanta Jhyuk
A̱ ku nat fang hu ma̱John F. Kennedy School of Government, University of London Jhyuk
NwapYoruba people Jhyuk
A̱sa̱khwot a̱lidark brown Jhyuk
Hair colorblack hair Jhyuk
Za̱nang nang gu ku san a̱niFellow of the African Academy of Sciences Jhyuk
Personal pronounL485 Jhyuk

Mi̱ Zwat Swak ma̱ng Sweang 2010, ma̱nang gu ntat ndyia̱ 80 a̱ni, a̱ si̱ fwung a̱mgba̱m nta̱m na̱ na nkyiak nggu a̱zaghyi á̱niet a̱ni, a̱ si̱ nhyat ndyia̱ na̱ ku bwat nggu ndyo a̱ni a̱nyonywang ma̱ a̱keang a̱yaatyia̱ nggu ka, Ijebu-Ode, Si̱tet Ogun, Naijeriya.

Nkhang shyicet jhyuk

Á̱ byin Adebayo Adedeji a̱tuk 21 mi̱ Zwat Swak ma̱ng Sweang ma̱ a̱lyia̱ 1930 ma̱ a̱keang Ijebu Ode, Naijeriya.[3]

Adedeji si̱ khwu mi̱ jenshyung a̱tuk 25 mi̱ Zwat Nyaai ma̱ a̱lyia̱ 2018 ma̱ a̱keang Legwot, ma̱nang gu ku nnyia̱ ma̱ng zwan a̱ si̱ labeang ma̱ng a̱nji a̱ni.[3] Sot UNECA ku nyia̱ a̱tung a̱ghyang á̱ jhyung ma̱ng a̱nggu ma̱ a̱tuk 7 Zwat A̱natat 2018, mi̱ Legwot.[4]

Ya̱fang jhyuk

  1. "Adebayo Adedeji, former UNECA chief, dies at 87 | Premium Times Nigeria" (in British English). 2018-04-26. Retrieved 2022-03-09.
  2. Turok, Ben (Zwat Tswuon 2018). "Op-Ed: A tribute to Nigerian Supreme Chief Professor Ad..." Daily Maverick (in English). Retrieved 2018-12-11.
  3. 3.0 3.1 "Breaking: Former UN Chief, Adebayo Adedeji, Dies At 87". Independent. 26 Zwat Nyaai 2018. Retrieved 7 Zwat Swak ma̱ng Jhyiung 2018.
  4. Ta‌̱mpi‌̱let:Cite press release

A̱ka̱fwuop nta jhyuk