Kworiya A̱za
A̱byin Kworiya A̱za, (Kworiya: 조선/朝鮮, bwan MR: Chosŏn; ma̱ a̱ca̱caat 북조선/北朝鮮, MR: Pukchosŏn, ku 북한/北韓, bwan RR: Bukhan mi̱ Kworiya A̱tak; Shong: North Korea) á̱ lyen di̱̇ yorong ofisha hu nang Ri̱pobi̱li̱k Di̱mokrasi Á̱niet Kworiya wu, RDÁ̱K ku RDÁ̱ Kworiya ma̱ng Kworiya, RDÁ̱ (Kworiya: 조선민주주의인민공화국/朝鮮民主主義人民共和國, Chosŏn Minjujuŭi Inmin Konghwaguk; Shong: Democratic People's Republic of Korea, DPRK ku DPR Korea ku Korea, DPR) a̱ni, yet a̱byin kya di̱ fam a̱byin A̱tyin A̱siya. Kikya yet á̱kum nkap Li̱m-a̱byin Korea ka̱ shyia̱ tazwa ka a̱ni. A̱byin Kworiya A̱za byia̱ a̱gi̱gak ma̱ng Caina a mbeang Roshiya di̱ fam a̱za hu, ma̱ a̱ka̱ghyui Yalu (Amnok) ma̱ng Tumen na; ka̱ si̱ byia̱ gak ma̱ng Kworiya A̱tak di̱ fam a̱tak hu di̱ Zoni Kworiya nang á̱ ku Kam A̱khwot Á̱kwop a̱ni. Gak fam jenshyung nka hu si̱ myian di̱ khwong A̱ngam A̱sa̱khwot Kworiya hu hwa ma̱ng Kyai A̱sa̱khwot Bagina hu, ma̱nang gak fam a̱tyin nka hu myian di̱ khwong Kyai A̱sa̱khwot Ja̱pan hu a̱ni. A̱byin Kworiya A̱za, nang a̱byin hyia̱k nka ka, yong ci̱k nyia̱ kikya yet a̱tsak a̱gwomna̱ti a̱mgba̱m li̱m-a̱byin hu ma̱ng bibyin a̱ka̱wa̱tyia̱ a̱sa̱khwot hyia̱k hu. A̱keang Pyongyang kya yet a̱keangtung a̱byin ka ma̱ng a̱gba̱ndang a̱keang a̱ swak mi̱ shi kyai a̱byin a̱ni.
.svg)
Ya̱fang jhyuk
| Bibyin A̱siya | |
|---|---|
| A̱fganistan • A̱ri̱meniya • A̱za̱ri̱baijan • Baharen • Banggi̱ladi̱t • Bi̱runei • Butan • Caina • Filipin • Hong Kong • Irak • Iran • Isi̱rela • Ja̱pan • Ka̱mbodya • Ka̱ta̱r • Ka̱zaksi̱tan • Kiri̱gizsi̱tan • Kuburut • Kuwet • Kworiya A̱tak • Kworiya A̱za • Lawot • Lebanon • Ma̱ka̱u • Maleshya • Ma̱li̱dip • Monggoliya • Muna̱pyia̱ Ntyokkpaa̱pyia̱ A̱la̱ra̱ba • Myanmat • Nepat • Ndiya • Ndonisiya • Oman • Pakisi̱tan • Pa̱la̱sti̱n • Roshiya • Sa̱khatvelo • Sa̱udi A̱rabiya • Si̱nggapo • Si̱ri Lanka • Suriya • Tailan • Taiwan • Tajikisi̱tan • Timor-Leste • Turukya • Turkmenisi̱tan • Urdun • Uzi̱bekisi̱tan • Viyetnam • Yemen |