Mugunta A̱tyin

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱gwam Mugunta A̱tyin (Gwoot: Mugunta Ətyin; 18?? – 1933) wa ku yet a̱gwam a̱feang A̱gwoot wu kyiak neet ma̱ a̱lyia̱ 1929 ba̱ng si̱ tat jen ji nang á̱ ti̱n nggu tyok hu ma̱ a̱lyia̱ 1933. Nggu wa ku san tyok hu mbwak A̱gwam A̱vwuong Byia̱nyan ma̱nang gu sii du khwu a̱ni. A̱gwam Biya Kaka wa si̱ ta̱bat nyia̱ tyok hu ma̱ A̱gwoot da̱ a̱kwonu nggu nang A̱gwam A̱gwoot IV.

Mutunta A̱tyin

a̱tyubishyi

Sot mbyin	a̱sam
A̱byin mbyin	Naijeriya
A̱keang mbyin	Fantswam
Lilyem a̱ lyen lyiat, lyuut ku tyia̱ bwak ma̱ng a̱nhu a̱ni	Gwoot, Fantswam, Kpat
Ta̱m	a̱gwam
Khwi ku nwuan-ta̱cya̱	A̱bwoi
Ci̱t	A̱vwuong Byia̱nyan

Shyicet

Mugunta ku neet di̱ kwai A̱fwai ji ja.

Mbwoi

Jen gu ntsa tyok nggu hu a̱ni ma̱ A̱gwoot, a̱ si̱ bai ma̱ng tangka̱i a̱kurusak ghyang di̱ khwi A̱bwoi hu nang á̱ ku ngyei Mbwoi a̱ni ma̱ a̱lyia̱ 1930, mat a̱yaaga̱u a̱gankwon ba̱ ku bai á̱niet ba ba̱ si̱ byian bibyin yak hu a̱ni. Mugunta ku mun ta̱shuk Á̱nietkhwiki̱risi̱ti ba ma̱ng kwai A̱nkwei ji ji̱ ku byia̱ cet mi̱ taada, tazwa a̱lyiat khwi A̱bwoi na. A̱ bai ma̱ng Mbwoi na da̱nian gu san cet tyok A̱bwoi hu nang A̱nkwei ba ku byia̱ hwa a̱ni. Konyan wa a̱ yong di̱n vak nggu hu, Mugunta na ta̱m Mbwoi na na̱ nat na̱ nyiak a̱yin wu. Di̱n jen tyok nggu ji, Mugunta ku yet a̱ka̱tuk a̱yin wa ma̱ng a̱tyuya̱shuk á̱niet ba ba̱ kai khwi A̱bwoi hu a̱ ghwon a̱ni. A̱ ku byia̱ mmanshan nggu na, a̱wot a̱ si̱ ba̱ bai ma̱ng a̱shi̱shi̱k nyia̱ ma̱ A̱gwoot ma̱nang tyei a̱nyiuk ba̱ kwai ma̱ng a̱ghyi Mbwoi nggu ba mi̱ ta. Sot Mbwoi ji ku byia̱ lyulyoot tyok nang ji̱ ku nwuak a̱nyiuk ma̱ng nfi̱ng á̱niet ba a̱ni. Mat a̱ka̱tuk za̱kwa Mbwoi wu, a̱gwomna̱ti A̱shong ba si̱si̱ nvwuong Mbwoi na ma̱ a̱lyia̱ 1933, a̱wot ba̱ si̱si̱ mbi̱ri̱m a̱ka̱sa kyuak ntong nna na. Ma̱ a̱lyia̱ a̱kya kya nang á̱ si̱ ti̱n Mugunta cuk ji di̱ yet a̱gwam.