Ojo Maduekwe
Cif Ojo Maduekwe (6 Zwat Tswuon 1945 – 29 Zwat A̱taa 2016) ku yet a̱tyukwai-nfwuo-á̱niet Naijeriya wa a̱ ku yet a̱tyokum-a̱cyi a̱ni, neet Ohafia, Si̱tet Abya.
| Sot mbyin | a̱sam  |
|---|---|
| A̱byin mbyin | Naijeriya |
| A̱lyoot da̱ a̱lyem mbyin | Ojo Maduekwe |
| A̱tuk mbyin | 6 Zwat Tswuon 1945 |
| A̱keang mbyin | Ohafia |
| A̱tuk kwi | 29 Zwat A̱taa 2016 |
| A̱keang kwi | A̱buja |
| A̱lyem mbyin | A̱kum-a̱cyi |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Shong, A̱kum-a̱cyi, Nigerian Pidgin |
| Ta̱m | a̱tyukwai-nfwuo-á̱niet, diplomat, a̱tyufak-a̱lyiat |
| Cuk ji a̱ ku ba̱ng a̱ni | Minister of Foreign Affairs of Nigeria, Minister of Culture and Tourism, Minister of Transportation |
| A̱ ku nat fang hu ma̱ | University of Nigeria |
| Memba sot kwai-nfwuo-á̱niet | Peoples Democratic Party |
| Nwap | A̱kum-a̱cyi |
| Yet kap nsot | Rotary Club, Nigerian Bar Association, American Bar Association, International Bar Association |
| Za̱nang nang gu ku san a̱ni | Paul Harris Fellow |
Shyicet a̱son ma̱ng tat-a̱pyia̱
jhyukA̱ ku shyia̱ tat-a̱pyia̱ hu mi̱ Yunuvasi̱ti Naijeriya, Nsukka a̱ si̱ tyak fang hu ma̱ng digi̱ri mi̱ fak-a̱lyiat ma̱ a̱lyia̱ 1972.[1]
A̱kariya kwai-nfwuo-á̱niet
jhyukA̱kwak a̱son a̱byin Umaru Musa Yar'Adua ti̱n nggu gu bai yet Minista Á̱lyiat-nta Naijeriya a̱tuk 26 mi̱ Zwat A̱natat a̱lyia̱ 2007.[2] A̱ si̱ wot ofit wu mi̱ Zwat Tsat a̱lyia̱ 2010 di̱n jen ji nang A̱kwak A̱son A̱byin A̱kwonu Goodluck Jonathan ku byii̱k kabinet hu.[3] A̱ ku yet A̱tyulyuut A̱byin mi̱ sot kwai-nfwuo-á̱niet ji̱ ku shyia̱ di̱ ba̱ng cuk ji di̱ jen a̱ja nang á̱ ngyei Peoples Democratic Party (PDP) a̱ni. A̱ si̱ nyia̱ ta̱m nang byia̱k darekto kampen cuk a̱kwak a̱son a̱byin PDP ma̱ a̱lyia̱ 2011 a̱si̱ Goodluck/Sambo a̱ni. Á̱ si̱ ka ti̱n nggu a̱ yet SGF, a̱wot á̱ si̱si̱ sak nggu á̱ si̱ ti̱n a̱ghyang a̱niet da̱nian a̱bombwuon á̱lyiat nang á̱niet fam a̱tyin a̱byin Naijeriya ba ku bai ndyo tazwa nggu a̱ni.
Mama, a̱kwak a̱son a̱byin Olusegun Obasanjo ku ti̱n Maduekwe gu bai yet minista Taada ma̱ng Ci̱cen ma̱ a̱lyia̱ 1999.[4] Ma̱ a̱lyia̱ 2001, á̱ ti̱n nggu a̱ yet Minista A̱ka̱cyet. Ma̱nang gu ni̱ nshyia̱ di̱ cuk jini a̱ni, a̱ si̱ kam á̱niet ba̱ mban nyia̱ ta̱m ma̱ng tsaaí tswam, a̱wot á̱niet ba̱ nyia̱ fi̱p ma̱ng a̱di̱dam wuni si̱ ka shim nggu nyia̱ nvak na nwai yet a̱tan tat si̱ hu nang á̱niet tsaai tswam ba na nkai di̱ mi̱n a̱fi̱fa a̱ni. Bos ghyang ku mak yuut nggu Maduekwe a̱kwa mi̱ kukwaat di̱n jen ji nang gu cong da̱ a̱vwuonta̱m a̱tuk a̱ghyang di̱ tsaai tswam.
A̱bwuk a̱lyiat
jhyuk- Maduekwe ma̱ng A̱kpangcuk NDDC gbangbang, Onyema Ugochukwu, ku yet á̱na̱nyiuk-sot a̱siri bya mi̱ Yunuvasi̱ti Naijeriya, Nsukka.[5]
Ya̱fang
jhyuk- ↑ "Nigerian Transport Minister Out Spoken On Bike". Vanguard. Zwat A̱natat 2001. Archived from the original on 2010-06-13. Retrieved 2010-02-08.
- ↑ "Nigerian president names three to Cabinet energy posts, warns against graft", Associated Press (International Herald Tribune), Zwat A̱natat 26, 2007.
- ↑ Daniel Idonor (17 March 2010). "Jonathan Sacks Ministers". Vanguard. Retrieved 2010-04-14.
- ↑ Seyi Oduyela (Zwat Jhyiung 1, 2006). "State of The Nation: Countdown To 2007". Dawodu. Retrieved 2010-02-08.
- ↑ Patrick Henry (Zwat Jhyiung 7, 2007). "Political Rumors and Surprises: The Dust has Cleared". NgEX!. Archived from the original on 2010-01-13. Retrieved 2010-02-08.