Sot Muná̱pyia̱ A̱yaata̱luk A̱byin
Sot Muná̱pyia̱ A̱yaata̱luk A̱byin (JONAPWD) ji yet sot-nta̱m a̱basusot-nta̱m ja á̱ ku kpaat ma̱ a̱lyia̱ 1992 da̱nian á̱ ka tung a̱mgba̱m susot ba̱ng á̱niet a̱ta̱luk nkap dundung mami Naijeriya. Tyantung a̱byin ji shyia̱ a̱keang A̱buja a̱wot a̱kwak a̱son wu mi̱ di̱ yong huni wa yet Abdullahi Aliyu Usman.[1] Mi̱ bibyin nta, sot-nta̱m ji yet kap A̱vwuontung A̱yaata̱luk Munswat ma̱ng A̱vwuontung A̱yaata̱luk Afi̱rika.[2]
| Kpaat | 1992  |
|---|---|
| Fam nta̱m | disability in Nigeria |
| A̱byin | Naijeriya |
| A̱gbang tyantung | A̱buja |
Mami á̱tsak nta̱m ba̱ nyia̱ a̱ni, á̱ mbyia̱ tat á̱niet á̱pyia̱ ba̱ lyen nang á̱niet ba̱ yet a̱yaata̱luk nkap ku a̱yaata̱khwu a̱ni ba̱ nshyia̱ koji ma̱ a̱byin ka, mba a̱ka̱wat mba na di̱n vak kpa ncam ma̱ng nka̱nda̱n ca̱caat ma̱ng nkyang na̱ myim mba a̱ni ba̱ shyia̱, mat á̱ ntyia̱ mba ba̱ shyia̱ dundung ma̱ng á̱ghyang á̱niet ba̱ ba̱ ta̱m dundung kuzangmam ma̱ng li̱n a̱ma nzop zi̱zop tazwa a̱ka̱bung tai nang á̱niet bani loo ma̱ng á̱na a̱ni kuzangmam, jat a̱mgba̱m nkyang na̱ shyia̱ tazwa na a̱ni jija yet á̱ mban yet hyohyoot shyicet a̱yaata̱luk hu.[3]
Cat a̱shai
jhyukMi̱ ntangka̱i naat mbwuot nang ba̱ shyia̱ mi̱ a̱ni mami Naijeriya á̱ mbyia̱ cat kan a̱ka̱bung nang á̱niet kuzang tangka̱i zwan a̱ta̱luk ni̱ nswuo a̱ni. Kidee, ba̱ ku jang á̱nietcyiet naat di̱ nkyai a̱ka̱man tswam mi̱ Naijeriya, nang Kyai A̱mantswam Bibyin Nta Nnamdi Azikiwe, nang ba̱ ku lyiat kpa̱sai tazwa nkyang na̱ myim á̱ nyia̱ a̱yaata̱luk ba nwai swuoa̱bung di̱ shyei ma̱ng fwuong a̱lyiat ka̱nang ba̱ na nnwuo a̱mantswam ka a̱ni.[4]
Di̱ fam kwai-nfwuo-á̱niet, a̱yaakwak a̱son sot-nta̱m ba ku lyiat kpa̱sai ba̱ cat mi̱ nyinyiit shei nkhang na nyia̱ ku myim á̱ ya̱baat á̱niet ba ba̱ kwok a̱ka̱kurum nang á̱ sak mat a̱yaata̱luk ba ba̱ ya á̱ nyii mba mi̱ jaru.[5]
A̱ka̱fwuop nta
jhyuk- A̱ma̱ntei ofisha
Media related to Sot Muná̱pyia̱ A̱yaata̱luk A̱byin at Wikimedia Commons
Ya̱fang
jhyuk- ↑ Biriowo, Kazeem (24 Zwat Swak 2023). "Campaigners urge Nigerian govt to finalise disability treaty". Tribuneonlineng.com. Nigerian Tribune. Retrieved 16 Zwat Swak ma̱ng Jhyiung 2023.
- ↑ Commonwealth Disabled People's Forum. "Members". Retrieved 16 Zwat Swak ma̱ng Jhyiung 2023.
- ↑ Onalu, Chinyere; Chukwu, Ngozi; Ulaebuchukwu Nnama-Okechukwu, Chinwe; Iwuagwu, Anthony; Agha, Agha; Anazonwu, Nkemdilim; Okah, Paulinus; Odera Okoye, Uzoma (Zwat Swak 2023). "An Exploratory Study of the Situation of Persons with Disabilities in Nigeria: Practice Consideration for Social Workers". Journal of Evidence-Based Social Work. Retrieved 16 Zwat Swak ma̱ng Jhyiung 2023.
- ↑ "Despite inclusive law, Nigerian airports still a nightmare for people with disabilities". Thecable.ng. TheCable. 14 Zwat Swak 2023. Retrieved 16 Zwat Swak ma̱ng Jhyiung 2023.
- ↑ Abolade, Lukman. "Jail corrupt govt officials stealing from the disabled, PWD urges Buhari". International Centre for Investigative Reporter. Retrieved 16 November 2023.