A̱kpeye (nwap)

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

A̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱kpeye ba yet nwap ja á̱ maai shyia̱ susot a̱gwomna̱ti mali A̱hoda A̱tyin ma̱ng nkap A̱hoda Jenshyung Si̱tet Rivat, di̱ fam Da̱li̱ta Nija hu ma̱ a̱byin Naijeriya. Meti̱ropolit a̱keang A̱hoda hu, huhwa yet a̱keangtung kwak-a̱son nwap A̱kpeye ka. Da̱ a̱lyiat a̱vwuoneet A̱kpeye na, á̱ghyang á̱niet nyia̱ da̱ mba, á̱niet mba ba ku neet ghwut di̱ fam Bini hwa. Da̱ a̱kwonu a̱kya, á̱ghyang á̱niet si̱si̱ nnyia̱ nyia̱ da̱ mba, á̱niet mba ba ku neet a̱ ghwut ma̱ng A̱kum-a̱cyi kya, ma̱nang a̱lyem mba ka ma̱ng taada ji tai a̱si̱ á̱niet a̱bya a̱ni.

A̱kpeye

nwap

Yet kap	A̱kum-a̱cyi
A̱byin	Naijeriya
Shyia̱ di̱ fam tyok a̱byin	Si̱tet Rivat

Kwai-nfwuo-á̱niet

Nwap A̱kpeye ji byia̱ a̱gwam nang á̱ ngyei Eze Ekpeye Logbo ku "A̱gwam A̱kpeye A̱mgba̱m" di̱n Tyap. Á̱ kpaat cuktyok ji ji̱ na mmun a̱mgba̱m A̱kpeye ba ma̱ a̱lyia̱ 1977 kya, a̱wot A̱gwam Edmund Unoshi Ashirim ma Ihuaba ma̱ a̱byintyok Upata si̱ tsa nyeak cuk a̱ja nang Eze Ekpeye Logbo I. Ma̱nang gu sii du khwu a̱ni, A̱gwam Robinson O. Robinson neet ma̱ a̱byintyok Ubie si̱ kin cit nggu ma̱ a̱lyia̱ 1979 nang Eze Ekpeye Logbo II. Mi̱ di̱ Zwat Swak ma̱ng Jhyiung a̱lyia̱ 2024, a̱tyu a̱ shyia̱ di̱ cuk Eze Ekpeye Logbo ji, nggu wa yet A̱gwam Kelvin Nggozi Anugwo, a̱nyan wa ku nyeak di̱ cuktyok ji a̱tuk mam 4 Zwat Tswuon a̱lyia̱ 2022.

Á̱ sa nwap ji tyia̱ di̱ kwaí nang á̱ ngyei Igbu. Mi̱ da̱ a̱lyia̱ 2024, kwaí ("igbu") tswuon ja shyia̱:

1. Igbu Ehuda
2. Igbu Upata
3. Igbu Ubie
4. Igbu Ako
5. Igbu Igbuduya

A̱lyem

A̱kpeye ba lyiat A̱kpeye, nang a̱ sa á̱ si̱ nyia̱ ka̱ yet kap lilyem Igboid hwa a̱ni.

Sóng a̱ka̱yet

A̱kpeye ba song a̱ka̱yet ma̱ a̱di̱di̱t nang Eta, Ogwu Ekpeye, Owu, ma̱ng Ugbokolo.

Fang a̱zanson

• Amini-Philips, Isaac C. (1994) King Nworisa of Ekpeyeland (1830–1899): his life and times Riverside Communications, Pa̱takwot, Naijeriya, ISBN 978-31226-6-5 ;
• Amini-Philips, Isaac C. (1998) Establishing a chronology for Ekpeye history Emhai Print. & Pub., Pa̱takwot, Naijeriya, OCLC 53842667 ;
• Ekine, Gift V. (2014)- A Concise History of Ekpeyeland and People, Osia Digital Press, Pa̱takwot, Naijeriya (ISBN 978-978-52044-4-5)
• Ekine, Gift V. (2013)- A Dictionary of Ekpeyewords and Pronunciations, Osia Digital Press, Pa̱takwot, Naijeriya. (ISBN 978-978-52044-2-1)
• Picton, John (February 1988) "Ekpeye masks and masking" African arts 21(2): pp. 46–53, 94 OCLC 40558650;
• Clark, David J. (1971) Reading and Writing Ekpeye Institute of African Studies, Yunuvasi̱ti Ibadan, Ibadan, Naijeriya, OCLC 2464074;
• "Ekpeye: a language of Nigeria" Ethnologue;
• Ajugo, U.B. (2005) "The True History of Ekpeyeland :3000 BC ~ 2005 AD". A BGR Project, Pa̱takwot, Naijeriya.