Abigail Marshall Ka̱tung
Abigail Wok Marshall Ka̱tung (á̱ byin nggu a̱tuk mam 7 Zwat Swak ma̱ng Sweang 1973) yet a̱tyukwainfwuo-á̱niet Naijeriya wa a̱ swan a̱byin Bi̱ri̱ti̱n a̱ni a̱ ka yet a̱byii̱k sa̱neto a̱ yet a̱ghyi distrik sa̱net Ka̱duna A̱tak, Si̱tet Ka̱duna, Naijeriya, nang á̱ ngyei Sunday Marshall Ka̱tung a̱ni. Á̱ ku tyia̱ nggu a̱ si̱ laai a̱ shi mi̱ Naijeriya, a̱wot a̱ si̱ ghwon a̱ nat a̱byin MA̱ a̱ fang mi̱ Yunuvasi̱ti Leeds a̱wot mi̱ di̱ Zwat Jhyiung 2024 a̱ yet gwomna wa mi̱ Kwoleji A̱keang Leeds ma̱ng Lord mayor Leeds.[1] Nggu wa yet kansa̱lo a̱ yet a̱tyu Afi̱rika á̱ na ntsa khai nggu a̱ swan di̱ cuk kansi̱t a̱ja,[2] a̱dyundyung a̱yin a̱kpa̱k a̱feang lilyim Eileen Taylor mbeang a̱tyu 130 a̱mgba̱m.[3]
.jpg)
| Sot mbyin | a̱nap  |
|---|---|
| A̱byin mbyin | Naijeriya |
| A̱lyoot nang á̱ ku tyia̱ nggu | Abigail |
| A̱tuk mbyin | 7 Zwat Swak ma̱ng Sweang 1973 |
| A̱keang mbyin | Naijeriya |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Shong |
| Ta̱m | a̱tyukwai-nfwuo-á̱niet |
| Cuk ji a̱ ku ba̱ng a̱ni | member of Leeds City Council |
| A̱ ku nat fang hu ma̱ | University of Leeds |
| Candidacy in election | 2019 Leeds City Council election |
| Described at URL | https://democracy.leeds.gov.uk/mgUserInfo.aspx?UID=7368 |
A̱kariya
jhyukMa̱ a̱lyia̱ 2008, a̱ kpaat sot David Oluwale Memorial Association (DOMA) ji mi̱ di̱ jhyung David Oluwale,[4] a̱tyu Naijeriya a̱ ku byiek a̱ nat MA̱ a̱ si̱ cyok ma̱ a̱keang Leeds ma̱ a̱lyia̱ 1949, a̱wot a̱ si̱ ta̱lyi̱ri̱p a̱ khwu ma̱ a̱sa̱khwot A̱ghyui Ayire ma̱ a̱lyia̱ 1969 a̱wot á̱ si̱ ta̱bat a̱yaaofisa mmanshan Bi̱ri̱ti̱n a̱feang á̱ ba̱ng nyia̱ bibya ku hyat nggu. Mi̱ Zwat Swak ma̱ng Jhyiung 1971, a̱lyiat na nang á̱ ku fak mba ndyo si̱si̱ yet a̱son ka ma̱ng jen a̱nyin nang á̱ na mak á̱ mak á̱nietnta̱m a̱gwomna̱ti mat a̱khwu a̱dyundyung a̱yin ma̱ a̱byin a̱kya.[5] A̱ bu yet a̱tyonyiung mami á̱niet a̱bya ba̱ yet a̱yaakpangcuk sot DOMA.[4]
Mi̱ Zwat Tswuon 2019 lilyim khai Leeds City Council hu, A̱kyuo Ka̱tung si̱ bai ya di̱ tswák ji a̱ si̱ bai yet a̱ghyi Little London and Woodhouse Ward.[6]
Mi̱ da̱ a̱lyia̱ 2020, a̱ ku yet a̱kwak a̱son wa mi̱ sot BAME ma̱ng a̱gba̱ndang memba a̱cyetaneang á̱nietnta̱m BAME ma̱ a̱keang Leeds.[7]
Ma̱ a̱lyia̱ 2022, a̱ si̱ yet a̱kpa̱ndang cuk naat mbwuot ‘Food Champion’ ("A̱tyuya-a̱ywan Kyayak") nang a̱gwomna̱ti Leeds City Council ku jhyi a̱ni dundung ma̱ng A̱gba̱ndang A̱kwak A̱son FareShare Yorkshire, nang á̱ ngyei Gareth Batty MBE FRSA a̱ni.[8] A̱ ku yet a̱gba̱ndang a̱nietcen mi̱ Jordan Sinnott Memorial Award mi̱ St. Mary's, Meston.[9]
Lilyim nang gu ku tyak a̱son tyok nggu ka, a̱ si̱ bu nwuo a̱yangka̱nan cat cuk a̱ja a̱ka̱feang a̱ si̱ bu lyiak mi̱ kwok tswák ji tafa Little London and Woodhouse Ward mi̱ Zwat Tswuon 2023.[10]
Da̱ a̱cak Ita a̱lyia̱ 2023, a̱ ku shyia̱ Church of All Souls, Leeds dundung ma̱ng a̱yaakansi̱lo a̱feang nang á̱ ngyei Kayleigh Brooks ma̱ng Javaid Akhtar a̱ni mbeang Mother Helen.[11]
Mi̱ Zwat Jhyiung 2024, a̱ si̱ yet Lord mayor a̱keang Leeds tafa sot kwai-nfwuo-á̱nier Labour and Co-operative Party, a̱ si̱ ka nci̱t Al Garthwaite.[1] Khai nggu hu yet si̱ a̱tyong 2024/2025 kikya.[12] A̱kyuo Ka̱tung wa yet a̱son a̱tyu Afi̱rika á̱ na nkhai á̱ swan kansi̱t Leeds a̱ni.[2]
Shyicet swat nyeang
jhyukWok shyia̱ di̱ swan nyeang hu ma̱ng a̱tyufak-a̱lyiat ma̱ng a̱tyukpacam-a̱byin Naijeriya a̱ghyang nang á̱ ngyei Sunday Marshall Ka̱tung. Mi̱ da̱ a̱lyia̱ 2023, ba̱ ku byia̱ a̱ka̱hyaai á̱sam na̱ yet ndyia̱ 19 a̱ni, nang si̱sak ma̱ng a̱lyiat nggu na, gu ku ba̱ng nna ma̱ a̱keang Leeds na̱ si̱ laai a̱ shi a̱ja.[1]
Ya̱fang
jhyuk- ↑ 1.0 1.1 1.2 Coyle, Hayle (18 Zwat Jhyiung 2024). "New Lord Mayor of Leeds takes up role with 'great pride'". BBC News. Leeds. Retrieved 18 Zwat Jhyiung 2024.
- ↑ 2.0 2.1 Alkali, Hamza (18 Zwat Jhyiung 2024). Aliyu, Ibrahim; Bakare, Adeniyi (eds.). "Dabiri-Erewa hails appointment of Abigail as Lord mayor of Leeds". Radio Nigeria. Archived from the original on 2024-01-18. Retrieved 18 Zwat Jhyiung 2024.
- ↑ Connolly, James (19 Zwat Jhyiung 2024). "Abigail Marshall-Katung 'honoured and humbled' to become Leeds' first African Lord Mayor". Yorkshire Evening Post. Retrieved 20 Zwat Jhyiung 2024.
- ↑ 4.0 4.1 Gee, Baba (8 Zwat Swak ma̱ng Jhyiung 2023). "The Hibiscus Rising Gala Dinner: A Night of Remembrance and Optimism". African Voice. Leeds. Retrieved 18 Zwat Jhyiung 2024.
- ↑ Athwal, Harmit (18 Zwat Swak 2010). "The racism that kills". The Guardian. London. Retrieved 18 Zwat Jhyiung 2024.
- ↑ Akhaine, Saxone (5 Zwat Tswuon 2019). "Nigerian woman, Katung wins Leeds City Council election". The Guardian Nigeria. Ka̱duna. Archived from the original on 2024-01-18. Retrieved 18 Zwat Jhyiung 2024.
- ↑ "Latest key messages from the CLT and BAME network steering group". Leeds City Council. 18 Zwat Swak ma̱ng Sweang 2020. Retrieved 18 Zwat Jhyiung 2024.
- ↑ "Leeds City Council asks public to feedback on first citywide food strategy". Leeds Star. Leeds. 21 Zwat Swak 2022. Retrieved 18 Zwat Jhyiung 2024.
- ↑ Lomax, Claire (22 Zwat Swak ma̱ng Sweang 2022). "Jordan Sinnott Awards inspire young people home and away". Wharfedale Observer. Retrieved 20 Zwat Jhyiung 2024.
- ↑ Hassan-Wuyo, Ibrahim (6 Zwat Tswuon 2023). "Nigerian woman, Katung re-elected in UK Council election". Vanguard Nigeria. Retrieved 18 Zwat Jhyiung 2024.
- ↑ "News and Events". All Souls' Church. Leeds. Retrieved 18 Zwat Jhyiung 2024.
- ↑ Dada, Adekunle (18 Zwat Jhyiung 2024). "Jubilation as Nigerian Woman Elected Lord Mayor of Leeds in United Kingdom". Legit.ng. Retrieved 18 Zwat Jhyiung 2024.
A̱ka̱fwuop nta
jhyuk- Councillor Abigail Marshall Katung mi̱ Leads.gov.uk (di̱n Shong)
- Abigail Wok MARSHALL KATUNG mi̱ gov.uk (di̱n Shong)
- Abigail Marshall Katung mi̱ co-operative party (di̱n Shong)
- Mrs. Abigail Marshall Katung: Breaking Boundaries of Ordinary mi̱ Duke Magazine. Á̱ shei a̱tuk mam 7 Zwat A̱taa 2023 (di̱n Shong)
- Abigail Marshall Katung mi̱ Labour and Co-operative (di̱n Shong)
- Register of Interests (Councillor Abigail Marshall Katung). Á̱ shei a̱tuk mam 11 Zwat A̱ni̱nai 2023 (di̱n Shong)