Florence Seriki

Florence Seriki MFR (16 Zwat A̱ni̱nai 1963 – 3 Zwat Tsat 2017) wa ku yet a̱tyukpaat ma̱ng A̱gba̱ndang A̱kwak A̱son ku CEO Omatek Ventures Plc., a̱son ka̱mpa̱ni ICT Naijeriya ma̱ng Afi̱rika mat tung nkap ma̱ng nyian nkompyuta ma̱ng nkap kompyuta nang vam kompyuta, nkyanglyiat, kibwot, cyui.

Florence Seriki

a̱tyubishyi

Sot mbyin	a̱nap
A̱byin mbyin	Naijeriya
A̱lyoot nang á̱ ku tyia̱ nggu	Florence
A̱tuk mbyin	16 Zwat A̱ni̱nai 1963
A̱tuk kwi	3 Zwat Tsat 2017
Ta̱m	engineer

A̱son shyicet ma̱ng tat-a̱pyia̱

Á̱ ku byin Seriki mi̱ Legwot ja a̱wot a̱ ku neet Si̱tet Da̱li̱ta ja ma̱ a̱tsak a̱lyiat. A̱ ku ncong a̱ nat tat-a̱pyia̱ sa̱ka̱nda̱ri hu mi̱ A̱lifang Sa̱ka̱nda̱ri Reagan Memorial Baptist kya, Sabo, Yaba, tsi̱tsak a̱lyia̱ 1975 ma̱ng 1980 a̱wot a̱ si̱ kin ncong a̱ nat A̱lifang Mundundung Sayen, Legwot, mat A levels nggu wu. A̱ tyak ma̱ng kwaa̱mbwat digi̱ri Bachelors of Science neet mi̱ Yunuvasi̱ti Ife hu hwa (nang á̱ ngyei Yunuvasi̱ti Obafemi Awolowo, Ile-Ife mi̱ di̱ yong huni a̱ni).

Omatek

Ma̱ a̱lyia̱ 1993, di̱n jen tyai nkyang kpa̱sai CTO ji (nang bwak kaswuo A̱li A̱ghyi A̱merika mi̱ Naijeriya ku jhyi a̱ni), Seriki si̱ ghwut ma̱ng Omatek brand of Computers ku yet a̱son tangka̱i a̱di̱dam a̱kya mi̱ Naijeriya. Ma̱ a̱lyia̱ 2003, a̱ si̱ yet a̱son a̱tyu Afi̱rika a̱ na jhyi nvam kompyuta, nkyanglyiat, nkibwot, ma̱ng cyui kompyuta nang á̱ nyia̱ mi̱ Naijeriya a̱ni neet di̱ completely knocked down (CKD) nang a̱vwuonjhyi nkyang na nghwut ma̱ng nkompyuta, a̱yaa-notebook ma̱ng nsava Omatek mbeang a̱mgba̱m nkyang na nang á̱ ni̱ fwuop da̱ nkyang nani a̱ni nang á̱ jhyi mami Naijeria a̱ni.

Za̱náng ma̱ng a̱didyep

Za̱náng nang gu ku ya a̱ni, jija yet:

• Most Fascinating Nigerian (MFN)-Press Merit services