Hawa Shekarau
Dr. Hauwa Evelyn Shekarau Esq. (Tyap: Hawa Sheka̱ra̱u; a̱ saan a̱tuk 15 mi̱ Zwat A̱kubunyiung a̱lyia̱ 2022) ku yet a̱tyufak-a̱lyiat ma̱ng a̱tyufuut cat-a̱wat tyei-mman a̱nyiuk ma̱ng a̱gwak Gbi̱ngban A̱wam ma̱ng Tyei Mman ma̱ng A̱ka̱wat mba na (Shong: Sexual & Reproductive Health and Rights) (SRHR)[1] a̱ ku yet a̱tyu Naijeriya wa a̱ni. Mi̱ di̱n jen kwi nggu ji, nggu wa ku yet A̱kpangcuk Nigerian Bar Association (NBA) wu, sa A̱buja ji.[2]
| Sot mbyin | a̱nap  |
|---|---|
| A̱byin mbyin | Naijeriya |
| A̱lyoot nang á̱ ku tyia̱ nggu | Hauwa |
| A̱tuk kwi | 15 Zwat A̱kubunyiung 2021 |
| A̱lyem mbyin | Tyap |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Shong |
| Ta̱m | a̱tyufak-a̱lyiat, a̱tyufuut cat-a̱shai |
| A̱kwok nta̱m | Nigerian Bar Association |
| Cuk ji a̱ ku ba̱ng a̱ni | a̱kpangcuk |
Shyicet ma̱ng a̱kariya
jhyukA̱ ku tyak fang hu mi̱ Yunuvasi̱ti Ahmadu Bello, Zariya wa, a̱wot a̱ si̱ bai yet A̱kwak A̱son A̱byin Fedi̱reshon Á̱nietfak-a̱lyiat A̱nyiuk (Shong: National President of International Federation of Women Lawyers) (FIDA Nigeria) kyiak neet ma̱ a̱lyia̱ 2012 ba̱ng si̱ tat a̱lyia̱.
A̱ ku yet memba nsot Susot-nta̱m ji̱ Nwai yet a̱si̱ A̰gwomna̱ti ma̱ a̱di̱di̱t nang ActionAid International Nigeria ma̱ng Nigeria Women Trust Fund. A̱ si̱ ku nnyia̱ ta̱m mi̱ Sot Susot-nta̱m na̱ Nwai yet a̱si̱ A̱gwomna̱ti ma̱ a̱di̱di̱t jhyang nang League for Human Rights, ma̱ng El-Shaddai Widows Outreach. A̱ ku yet a̱nyiung ma̱ á̱niet ba̱ ku ntsa yet kap InterAction Leadership Programme nang sot British Council ja ku li̱n-a̱ma ma̱ng kurum ma̱ a̱lyia̱ 2005 ma̱ng International Women Leaders’ Mentoring Programme nang sot US State Department/Fortune 500 companies funded ji ja ku li̱n-a̱ma ma̱ kurum ma̱ a̱lyia̱ 2006 a̱wot a̱ si̱ ka ngyet A̱tuba Vital Voices di̱n jen ji a̱ ku shyia̱ ma̱ng swuan a̱ni.[3]
Kwi
jhyukÁ̱kpa̱ndang nggu ba ma̱ng kyangbwak tung ma̱ a̱tyetuk jhyung-nta̱m a̱tyokhwu ka A̱tuk Ta̱lata, Zwat A̱kubunyiung 28, 2021, da̱ A̱vwuoa̱tung Á̱nietkhwikristi A̱byin ka, A̱buja. Kwi nggu hu ku bai ca̱caat ma̱ng si̱ a̱gba̱ndang a̱tyu A̱tak Ka̱duna a̱ghyang, Obadiah Mailafiya.[4]
Ya̱fang
jhyuk- ↑ Edokwe, Bridget (27 Zwat A̱kubunyiung 2021). "Tribute to Dr. Hauwa Evelyn Shekarau, Esq: A Legal Colossus, Activist and the Chairperson of the Nigerian Bar Association (NBA), Abuja Branch (Unity Bar)". Barristerng. Retrieved 5 Zwat A̱kubunyiung 2022.
- ↑ Nwisagbo, Lesi (15 Zwat A̱kubunyiung 2021). "NBA Abuja loses chairman Hauwa Shekarau". Punch. Retrieved 5 Zwat A̱kubunyiung 2022.
- ↑ Tsa, Godwin (22 Zwat A̱kubunyiung 2021). "Lawyers pay tribute to late NBA Chairman, Dr. Hauwa Shekarau". A̱buja: Sun News Online. Retrieved 5 Zwat A̱kubunyiung 2022.
- ↑ Ochayi, Chris (27 Zwat A̱kubunyiung 2021). "SOKAPU condoles with families of Mailafia, Shekarau, says we're inspired by their legacies". A̱buja: Vanguardng. Retrieved 6 Zwat A̱kubunyiung 2022.