Sa̱mwila A̱cyia̱
Dokto Sa̱mwila Tyimbwak A̱cyia̱ (Shong: Samuel Timbwuak Achie; byin 26 Zwat A̱taa) wa yet a̱kwak a̱son a̱byin Sot Byi̱k Sot-á̱niet A̱tyap (ku Atyap Community Development Association (ACDA) di̱n Shong) a̱fwun wu. Nggu wa yet a̱ci̱t A̱tyoli Sila Tsuu A̱da̱mu a̱nyan wa a̱bombwuon nyia̱ ku shyia̱ nggu ma̱ng kyangbwak nggu hu ma̱ a̱lyia̱ 2021.
| Sot mbyin | a̱sam  |
|---|---|
| A̱byin mbyin | Naijeriya |
| A̱lyoot nang á̱ ku tyia̱ nggu | Samuel |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Shong, Tyap |
| Ta̱m | advocacy group |
Ta̱m a̱kwak a̱son ACDA
jhyukMa̱ a̱tuk 1 Zwat Tswuon 2023, A̱tyoli Sa̱mwila ku lyiat ma̱ng nyinyiit shei nkhang ma̱ a̱di̱di̱t ma̱ a̱tung ka nang sot ACDA ku jhyi a̱ni mi̱ Cenkwon, á̱ shei swanta hu ndyo kyang ku naat mbwuot a̱ni ma̱ A̱tyap ka. Ma̱ a̱lyiat nggu na, a̱ si̱ nyia̱ A̱tyap ba ma̱ng a̱mgba̱m á̱niet Zangon Katab ba na yong mi̱cet ba̱ ba̱ng a̱byin mba ka a̱wot ba̱ vwuong á̱nietcok nyák naat mbwuot ma̱ng nyám mba ji ka̱ á̱ bu fa̱k a̱lyiat hyaai ma̱ a̱byin ka.[1] A̱ si̱ bu mbeang nyia̱ á̱kang á̱niet bya swan a̱baka̱keang 20 mi̱ di̱ yong a̱hwa, a̱wot á̱niet mi̱ a̱baka̱keang 18 ka̱n kam á̱ wot nna, a̱wot á̱ghyang si̱ yet á̱ta̱bat nang á̱ ku fwui a̱ni kyiak neet ma̱ a̱lyia̱ 2017 ba̱ng si̱ tat di̱ yong a̱hwa.[2]
Kpa̱mkpaan ma̱ng wot ofit nggu hu ma̱ a̱tuk 28 Zwat Tswuon 2023, Gwomna Si̱tet Ka̱duna, Nasir El-Rufai, si̱ nvwuong Sot Byi̱k Sot-á̱niet A̱tyap ji a̱ tyia̱ kace. Mi̱ shim nggu hu, A̱tyoli Sa̱mwila ku kaat ThisDayLive nyia̱, "Vwuong a̱hwa yet vwuong á̱niet sa̱t nyia̱ kpa̱ndang ma̱ng á̱ghyang hwa a̱wot á̱ na mak ma̱ng a̱nhu mi̱ kotu".[3]
Mi̱ Zwat A̱taa 2023, A̱tyoli Sa̱mwila ku lyiat di̱n Shong a̱ si̱ shei nyia̱: “Da̱ a̱kwonu Sot Byi̱k Sot-á̱niet A̱tyap ji (ku Atyap Community Development Association (ACDA)) ma̱ng á̱cucuk á̱niet A̱byin A̱tyap ba, n dyuut n beang Mejo Jenera Chris Gwabyin Musa a̱gwai na mat ti̱n nang á̱ ku ti̱n nggu ku myim a̱ni (a̱ yet Chief of Defence Staff Naijeriya wu)".[4]
Ya̱fang
jhyuk- ↑ Ebije, Noah (1 Zwat Tswuon 2023). "Zangon Kataf killings: Atyap people gives condition for peaceful coexistence". Ka̱duna: SunNewsOnline. Retrieved 25 Zwat A̱taa 2023.
- ↑ Shiklam, John (2 Zwat Tswuon 2023). "Bandits Kill 518 in Zangon Kataf in Five Years, Says ACDA". Ka̱duna: ThisDayLive. Retrieved 25 Zwat A̱taa 2023.
- ↑ Shiklam, John (29 Zwat Tswuon 2023). "El-Rufai Proscribes Atyap Community Development Association". ThisDayLive. Retrieved 24 Zwat Tsat 2023.
- ↑ Tauna, Amos (23 Zwat A̱taa 2023). "Atyap community congratulate new Chief of Defense on his appointment". DailyPost. Retrieved 24 Zwat Tsat 2023.