Kpat (a̱lyem)

Kpat (Shong: /ˈhaʊsə/; Kpat: Harshen/Halshen Hausa) yet A̱lyem Cadi kya nang A̱kpat wu lyiat a̱ni, ka̱ yet a̱gba̱ndang a̱lyem a̱ka̱ka̱rak ka̱ lan swak wu mi̱ Afrika, ma̱ a̱di̱di̱t mami a̱gi̱gak Ni̱njer ma̱ng a̱kum kap a̱za Naijeriya ka, ma̱ng a̱cuncong seang á̱niet mi̱ bibyin Gana, Sudan, ma̱ng Kemerun.

Kpat (a̱lyem)

natural language, modern language

Tafa	Hausa–Gwandara
A̱lyoot a̱lyem a̱byin	Hausa
Yet byin-a̱byin	Ni̱njer, Naijeriya
Shyia̱ di̱ fam tyok a̱byin	Afrika Jenshyung
Yet kap nsot	Afroasiatic
Linguistic typology	subject–verb–object
Lyuut	lyuut Lati̱n, Arabic alphabet
Ethnologue language status	2 Provincial
Wikimedia language code	ha

Kpat yet memba kyangbwak a̱lyem Afroasiatic huhwa a̱wot ji̱ si̱ yet a̱lyem ka nang á̱ lyiat swak a̱ni di̱ sa Cadi kyangbwak a̱hwa. A̱yaaEthnologue ntyan nyia̱ á̱ ku lyiat nkaa nang a̱lyem á̱son a̱nunu kpa̱mkpaan á̱niet shit (milyon) 47 a̱wot nang a̱lyem a̱feang a̱nunu shit 25 a̱ghyang, ku si̱ khwat la̱mba a̱mgba̱m á̱nietlyiat Kpat ji bai da̱ a̱beam shit 72. Si̱sak ma̱ng ti̱tyan mmam nani njhyang, á̱ na lyiat Kpat ji a̱nunu á̱niet shit 100–150, ka̱ doot si̱ huni na ntyia̱ nkaa ka̱ yet a̱lyem byina̱byin Afrika nang á̱ lan lyiat swak a̱ni.

Mi̱ 2017, A̱kwak A̱son A̱byin Naijeriya wu, Muhammadu Buhari shei kyang ghyang di̱n Kpat ji, zang hwa nfuut jhya̱ ma̱ a̱byin ka. Mami Naijeriya, á̱ ngyei á̱nietbwuang fim ba ba̱ lyiat di̱n Kpat ji a̱ni, Kannywood ji.