Jhyuo (a̱lyem)

a̱lyem, modern language
Tafa	Lilyem A̱ka̱wa̱tyia̱ Pi̱lato
A̱byin	Naijeriya
Indigenous to	A̱jhyuo, Fam A̱keangtung Mundundung, Si̱tet Ka̱duna
Lyuut	lyuut Lati̱n
Ethnologue language status	5 Developing

Jhyuo (Jhyuo: Jju, Kpat: "Kaje" ku "Kache") ja yet a̱lyem A̱jhyuo ba mi̱ Si̱tet Ka̱duna di̱ fam a̱ka̱wa̱tyia̱ Naijeriya. Mi̱ di̱ a̱lyia̱ 1988, á̱ shyia̱ nang á̱niet ba̱ lyiat Jhyuo tat kpa̱mkpaan ma̱ng 300,000.^[1] Si̱sak ma̱ng Blench (2008), Jhyo — zang ja byia̱ á̱niet lyiat a̱ swak a̱ni—ndi á ngyei tangka̱i Tyap ghyang hwa a̱ni (shimba á̱niet ba̱ lyiat njii vwuon di̱ nwap).^[2]

Jhyuo ji yet jhyiung ja di̱ lilyem A̱tak Ka̱duna hu.^[1]^[3]

Yai jhyuk

A̱jhyuo ba lyiat Jhyuo ji̱ yet a̱lyem a̱son mba ka mi̱ Susot A̱gwomna̱ti Mali Zangon Kataf, Jemaa, Kaciya, Watyap ma̱ng Ka̱duna A̱tak á̱si̱ Si̱tet Ka̱duna. Á̱ bu lyiat jii mi̱ bibyin ku shyia̱ kpa̱mkpaan nang si̱ A̱tyap, Fantswam, A̱gwoot, A̱daa, A̱byin Á̱nietswaywan, ma̱ng a̱ka̱vwuo á̱ghyang na̱ byia̱ a̱meang ma̱ng a̱nka, nang a̱lyem a̱feang ke a̱tat a̱ni.