Sudan

Ri̱pobi̱lik Sudan wu جمهورية السودان, Jumhūriyyat as-Sūdān (La̱ra̱ba) Republic of the Sudan (Shong)
A̱keangtung	Khartum
Shi kyai	1,886,068 km²
Shi á̱niet	45,709,353 ab. (2022)

A̱bwom a̱byin: "نحن جند الله، جند الوطن"
Naḥnu jund Allah, jund al-waṭan
("Á̱nietnzwang A̱gwaza Bya Zi̱ Yet, Á̱nietnzwang Á̱niet Ba")

A̱byin Sudan (Shong: /suːˈdɑːn/; La̱ra̱ba: السودان, as-Sūdān), á̱ lyen ma̱ng a̱lyoot a̱gwomna̱ti nka nang Ri̱pobi̱lik Sudan wu (La̱ra̱ba: جمهورية السودان, Jumhūriyyat as-Sūdān, Shong: Republic of the Sudan) a̱ni, yet a̱byin kya di̱ fam a̱byin A̱za-a̱tyin Afrika. Ka̱ byia̱ a̱gi̱gak ma̱ng bibyin Ma̱sa̱r di̱ fam a̱za hu, Li̱biya di̱ fam a̱za-jenshyung hu, Caad di̱ fam jenshyung hu, Ri̱pobi̱lik A̱ka̱wa̱tyia̱ Afrika wu di̱ fam a̱tak-jenshyung hu, Sudan A̱tak di̱ fam a̱tak hu, Ityopya di̱ fam a̱tak-a̱tyin hu, Eritrea di̱ fam a̱tyin hu, ma̱ng A̱shong Kyai A̱sa̱khwot wu di̱ fam a̱za-a̱tyin. A̱byin Sudan byia̱ shi á̱niet miliyon 44.91 ma̱ a̱lyia̱ 2021 ka̱ si̱ kup shi kyai a̱byin kilomita a̱ma̱ntaa̱naai 1,886,068 (met a̱ma̱ntaa̱naai 728,215), si̱ huni si̱ tyia̱ ka̱ yet a̱tat mi̱ bibyin Afrika di̱n vak shi a̱byin a mbeang a̱tat meang mi̱ shi a̱byin mi̱ Liig A̱la̱ra̱ba hu. Kikya ku yet a̱byin ka̱ swak di̱ shi a̱byin mi̱ Afrika ma̱ng Liig A̱la̱ra̱ba hu ba̱ng si̱ tat but a̱byin Sudan A̱tak hu ma̱ a̱lyia̱ 2011 a̱ni, kyiak neet di̱n jen a̱ja Aljeriya wa si̱ kyiak lyulyoot nfeang hu. A̱keangtung nka, kikya yet Khartum, ma̱nang a̱gba̱ndang a̱keang a̱ swak mi̱ shi wu si̱ yet Omdurman.