A̱li̱jeriya

A̱byin kya mi̱ng kyung a̱za afirika

A̱li̱jeriya (La̱ra̱ba: الجزائر, romanized: al-Jazāʾir, [al.d͡ʒazaːʔir]; Fi̱ransa: Algérie), á̱ lyen ma̱ng a̱lyoot a̱gwomna̱ti ka Ri̱pobi̱lik Di̱moki̱rasi Á̱niet A̱li̱jeriya (La̱ra̱ba: الجمهورية الجزائرية الديمقراطية الشعبية, al-Jumhūriyah al-Jazāʾiriyah ad-Dīmuqrāṭiyah ash‑Shaʿbiyah; Buzu: ⵜⴰⴳⴷⵓⴷⴰ ⵜⴰⴷⵣⴰⵢⵔⵉⵜ ⵜⴰⵎⴰⴳⴷⴰⵢⵜ ⵜⴰⵖⵔⴼⴰⵏⵜ), yet a̱byin kya di̱ fam Afi̱rika A̱za. A̱li̱jeriya byia̱ a̱gi̱gak di̱ fam a̱za-a̱tyin hu ma̱ng Tuni̱siya; di̱ fam a̱tyin hu ma̱ng Li̱biya; di̱ fam a̱tak-a̱tyin hu ma̱ng Ni̱njer; di̱ fam a̱tak-jenshyung hu ma̱ng Mali, Ma̱uritaniya, ma̱ng Sa̱hara Jenshyung; di̱ fam jenshyung hu ma̱ng Moroko; a̱wot di̱ fam a̱za hu ma̱ng Kyai A̱sa̱khwot Meditaroniya hu. Á̱ ka nkyiak a̱byin ka ka̱ yet kap fam-a̱byin Maghreb huhwa si̱ Afi̱rika A̱za. Ka̱ byia̱ nkhang-a̱byin a̱khwot a̱byin nia di̱n kap, ma̱ng a̱kpa á̱niet nka ba̱ swat di̱ fam hu ku byia̱ bwum hu di̱ fam a̱za hu a̱wot Sa̱hara hu hwa si̱ khwi a̱lyiak fam a̱tak ka. A̱li̱jeriya khwi kyai a̱byin ku byia̱ shi 2,381,741 square kilometres (919,595 sq mi), si̱ a̱hwa si̱ tyia̱ ka̱ yet a̱byin swanta swak ka̱ swak ma̱ng shi a̱ni, ma̱ng a̱si̱ ka̱ swak ma̱ng shi mami Afi̱rika a̱ni, si̱ a̱hwa si̱ yet a̱ka̱ncyi sweang shi a̱byin ka̱ lyiak ma̱ng yet da̱dei ka di̱ vam a̱byin hu, Gambya ji.[1] Ma̱ng shi á̱niet milyon 44, A̱li̱jeriya kya yet a̱byin Afi̱rika ka̱ yet swak ma̱ng shi á̱niet a̱ni, ma̱ng a̱si̱ 32 mi̱ swanta hu. A̱keangtung nka ma̱ng a̱keang ka̱ swak ma̱ng shi kikya A̱li̱jiyat, ka̱ shyia̱ di̱ jhyi fam a̱za hu di̱ khwong Meditaroniya hu.

A̱li̱jeriya
a̱byin ka̱ yong ma̱ sa̱t, Mediterranean country, people's republic, a̱byin
Yet kapA̱za Afi̱rika, Muslim world, Arab world Jhyuk
Kpaat202 BCE Jhyuk
Nameالجزائر Jhyuk
A̱lyoot a̱gwomna̱tiاَلْجُمهُورِيَّة اَلْجَزَائِرِيَّة اَلدِّيمُقرَاطِيَّة اَلشَّعبِيَّة Jhyuk
A̱lyoot a̱gwomna̱ti ku mbyinالجمهورية الجزائرية الديمقراطية الشعبية Jhyuk
Á̱kum a̱lyoot🇩🇿 Jhyuk
Ku yet kapAlgerian War, Sand War Jhyuk
A̱lyem a̱gwomna̱tiLa̱ra̱ba, Standard Algerian Berber Jhyuk
A̱bwomKassaman Jhyuk
Taadaculture of Algeria Jhyuk
A̱laseapمن الشعب و الى الشعب Jhyuk
Lyuut a̱laseap huبالشّعب وللشّعب Jhyuk
Vam-a̱byinAfrika Jhyuk
A̱byinA̱li̱jeriya Jhyuk
A̱keangtungAlgiers Jhyuk
Shyia̱ di̱ fam jenUTC+01:00 Jhyuk
Shyia̱ mami ku kpa̱mkpaan vam a̱sa̱khwotKyai A̱sa̱khwot Meditaroniya Jhyuk
Coordinate location28°0′0″N 1°0′0″E Jhyuk
Coordinates of easternmost point23°30′0″N 12°0′0″E Jhyuk
Coordinates of northernmost point37°5′40″N 7°12′14″E Jhyuk
Coordinates of southernmost point18°58′6″N 3°21′28″E Jhyuk
Coordinates of westernmost point27°18′55″N 8°40′1″W Jhyuk
Highest pointMount Tahat Jhyuk
Lowest pointChott Melrhir Jhyuk
Basic form of governmentsemi-presidential system Jhyuk
Ofit nang a̱kwak a̱son a̱byin wu ba̱ng a̱niPresident of Algeria Jhyuk
A̱kwak a̱son a̱byinEmmanuel Macron Jhyuk
Ofit wu nang a̱kwak a̱son a̱gwomna̱ti wu ba̱ng a̱niPrime Minister of Algeria Jhyuk
A̱kwak a̱son a̱gwomna̱tiAymen Benabderrahmane Jhyuk
Sa a̱pyia̱ a̱gwomna̱tiGovernment of Algeria Jhyuk
Sa kpa cam a̱byinParliament of Algeria Jhyuk
Highest judicial authoritySupreme Court of Algeria Jhyuk
A̱gba̱ndang a̱lisaaikurumBank of Algeria Jhyuk
KurumAlgerian dinar Jhyuk
Owner ofEl Mouradia Palace Jhyuk
Á̱ fang ma̱Algerian studies Jhyuk
A̱feap nduka̱zayak Jhyuk
Electrical plug typeType E, Schuko, Europlug Jhyuk
Significant eventAlgerian War, Sand War, Algerian Civil War, Evian Accords Jhyuk
Main regulatory textConstitution of Algeria Jhyuk
Tyiang a̱toot shiFlag of Algeria Jhyuk
A̱lama a̱byinEmblem of Algeria Jhyuk
HashtagAlgeria Jhyuk
Top-level Internet domain.dz Jhyuk
Byia̱ za̱kwanot-free country Jhyuk
Official religionKhwikpaa̱pyia̱ Jhyuk
Geography of topicgeography of Algeria Jhyuk
Nkhanghistory of Algeria Jhyuk
Railway traffic sidea̱zamyian Jhyuk
Tung zwa a̱pyia̱ a̱lyiat hueconomy of Algeria Jhyuk
Demographics of topicdemographics of Algeria Jhyuk
MadhhabMalikism Jhyuk
Official website URLhttps://www.el-mouradia.dz/ar/home Jhyuk
Sa mat tá̱si̱laCategory:Maps of Algeria Jhyuk
Zwunzwuo-a̱muup jet a̱bwoi a̱byin603 Jhyuk
Zwunzwuo-a̱muup yei a̱byin+213 Jhyuk
Emergency phone number14, 17, 112, 1548, 1055 Jhyuk
Zwunzwuo-a̱muup a̱byin GS1613 Jhyuk
Zwunzwuo lasi̱n pi̱letDZ Jhyuk
Maritime identification digits605 Jhyuk
Stack Exchange taghttps://travel.stackexchange.com/tags/algeria Jhyuk
Unicode character🇩🇿 Jhyuk
Map

A̱byin A̱li̱jeriya ku ghwut ma̱ng ntat-a̱ghyi ma̱ a̱di̱di̱t, bibyintyokshan ma̱ng a̱ka̱satyok, mbeang A̱numidya, A̱ma̱uretaniya, A̱fi̱ni̱kya, A̱ka̱ri̱tago, A̱rom, A̱vandat, A̱ma̱uretaniya ma̱ng A̱rom, A̱bizantyom, Umaiya, Ifi̱ran, A̱bat, Ma-Rutam, Ma-Idi̱risu, Masuleiman, A̱niet A̱ghi̱lab, A̱fatima, Ma-Ziri, Ma-Hammad, Ma-A̱li̱morap, Á̱niet A̱li̱mohad, Ma-Marin, Á̱niet Hafsid ba ma̱ng Ma-Za̱iyan.

A̱yaasa̱ncuri cong a̱na̱nda A̱la̱ra̱ba hu ku bai di̱ fam Maghi̱reb hu kyiak neet di̱ sa̱ncuri 7 wu ku shai yet ntangka̱i á̱niet nang á̱ maai á̱ shyia̱ ma̱ a̱byin A̱li̱jeriya a̱ni. Ngeang hu nang A̱si̱pen ba ku ngeang a̱ni huhwa si̱ bai ma̱ng kpaat Tyok A̱li̱jiyat hu ma̱ a̱lyia̱ 1516, a̱wot si̱tet jini si̱ khwuat nfwuo á̱niet ma̱ a̱di̱di̱t kyiak neet ma̱ a̱mgba̱m Meditaroniya hu, ma si̱ a̱hwa si̱ tyia̱ a̱keangtung nka, A̱li̱jiyat, si̱ yet a̱nyiung mami a̱ca̱cet a̱ka̱keang mi̱ shi kyai, zwa, mbeang shi á̱niet mami a̱keang mami swanta hu. Corop nka hu mi̱ sa̱ncuri 19 wu ku neet di̱ nwuai byian a̱byin A̱fi̱ransa bibya ma̱ a̱lyia̱ 1830. Swuocet Fi̱ransa hu ma̱ng san tyok a̱byin ku ntung a̱ni si̱ ba̱ng ku si̱ tat a̱lyia̱ 1903 a̱wot si̱ a̱hwa hwa si̱ tyia̱ a̱byin ka ka̱ bwuak yet kap Fi̱ransa ma̱ a̱lyia̱ 1848 ma̱ng mali kyang ku na nswak á̱niet-swat Yurop milyon nyiung. Ma̱nang á̱niet-a̱byin A̱li̱jeriya ba si̱ yet a̱lyiak ma̱ a̱byin ka di̱n jen jini, a̱wot á̱ si̱ ka ntyan nyia̱ shi mba hu cyok tat a̱kpa a̱nyiung mami a̱yaakpa a̱tat mat zwang, zwan ma̱ng zong.[2] Hyaai-á̱niet Sétif ma̱ng Guelma ma̱ a̱lyia̱ 1945 si̱ yet a̱tsan byian swat kpa̱ndang Fi̱ransa ma̱ng A̱li̱jeriya hu a̱wot ku si̱ fi̱t Zwang A̱li̱jeriya ji ji̱ ku ngaan ma̱ng shyiat sa̱t A̱li̱jeriya ma̱ a̱tuk 5 Zwat A̱natat 1962 ma̱ng shei kpa̱sai Ri̱pobi̱lik Di̱moki̱rasi Á̱niet hu ma̱ a̱tuk 25 Zwat A̱kubunyiung a̱lyia̱ a̱kya.

Lilyem a̱gwomna̱ti A̱li̱jeriya huhwa yet La̱ra̱ba ma̱ng Buzu. A̱lyiak á̱niet A̱li̱jeriya ka yet A̱la̱ra̱ba bya, ba̱ yet Á̱nietkhwikpaa̱pyia̱ a̱ni.[3] A̱lyem La̱ra̱ba A̱li̱jeriya a̱si̱ a̱byin ka, kikya yet a̱tsak a̱lyem nang á̱ lyiat ma̱ tai wu. A̱lyem Fi̱ransa si̱ ka ngyet a̱lyem kwak a̱son ma̱ng tat-a̱pyia̱ di̱ nfam jhyang, a̱wot ka̱ nwai yet a̱lyem a̱gwomna̱ti.

A̱li̱jeriya yet ri̱pobi̱lik wa a̱ yet a̱si̱ pi̱residen di̱n kap a̱ni, ma̱ng nfam-tyok mali na̱ byia̱ a̱yaapi̱rovin 58 ma̱ng nkomyun 1,541. A̱li̱jeriya yet cet fam-a̱byin hwa di̱ fam Afi̱rika A̱za, ma̱ng cet a̱ka̱wa̱tyia̱ da̱ á̱lyiat swanta na. A̱byin ka, kikya byia̱ shi Ga̱fang Byi̱k Á̱nietbishyi ku swak kuzang a̱byin mami a̱mgba̱m bibyin mi̱ vam-a̱byin Afi̱rika ma̱ng a̱nyiung mami a̱ca̱cet tung zwa mi̱ vam-a̱byin hu, ma̱ng a̱lyiak kurum ka neet mi̱ ghwut lyiai ma̱ng hya̱u. A̱byin A̱li̱jeriya kya byia̱ a̱tsak a̱swom hya̱u a̱tafa a̱byin a̱ byia̱ shi swak ma̱ng a̱taa mi̱ swanta hu a̱wot ka̱ si̱ byia̱ a̱tsak a̱swom a̱za̱za̱rak wun-ndong ma̱ng shi a̱kubunyiung mi̱ swanta hu. Sonatrach, ka̱mpa̱ni nhya̱u a̱byin ji, jija yet ka̱mpa̱ni ji̱ swak ma̱ng shi mami a̱mgba̱m Afi̱rika, ji̱ cong ma̱ng a̱za̱za̱rak wun-ndong naat ndyo mi̱ Yurop lan kuzang ka̱mpa̱ni. Á̱khwot Á̱kwop A̱li̱jeriya ba yet a̱nyiung mami a̱si̱ ba̱ swak ma̱ng shi mami Afi̱rika, a̱wot ba̱ si̱ byia̱ bojet cok-á̱niet ji̱ swak kuzang a̱byin mi̱ Afi̱rika. A̱byin ka yet memba Muná̱pyia̱ Bibyin Afi̱rika hu, Liig A̱la̱ra̱ba ji, OIC ji, OPEC, Muná̱pyia̱ Bibyin Swanta hu, ma̱ng Muná̱pyia̱ Maghi̱reb A̱la̱ra̱ba hu, nang ka̱ shyia̱ mami bibyin ku ku kpaat nhu a̱ni.

Ya̱fang jhyuk

  1. "Africa: largest countries by area 2020". Statista (in English). Retrieved 9 Zwat Sweang 2022.
  2. "Algeria - Colonial rule". Britannica (in English).
  3. Ghyuap di̱n tyan: Invalid <ref> tag; no text was provided for refs named AlgeriaFactbook

A̱ka̱fwuop nta jhyuk